सृजु राई
साउन २६ इलाम। इलामको पञ्चकन्यामा खानेपानीमा विष मिसाउने एक महिलालाई प्रहरीले पक्राउ गरेको छ । पञ्चकन्या–१ जसीगाउँ निवासी ४० वर्षीया मीना सापकोटाले सासू चन्द्रमाया सापकोटाको घरमा राखिएको पानीको गाग्री र पानी ट्याङ्कीमा विष हालेकी हुन् । चियाको बोटमा हाल्नका लागि ल्याइएको नुनसिल नामक विषादी हाल्दै गरेको अवस्थामा सासूले देखेकी थिइन् ।
विषादी हाल्ने मीनालाई आइतबारेबाट गएको प्रहरीचौकीले हिजो पक्राउ गरी थप अनुसन्धानका लागि इलाका प्रहरी कार्यालय पशुपतिनगरमा बुझाएको जिल्ला प्रहरी कार्यालय इलामले जनाएको छ ।