Caused by the earthquake blocked the resham filili be released on August 11
विशाल चौतारी समाचार
काठमाडौ, २०७२ जेष्ठ १७ आइतवार । गत वैशाख १२ गते गएको महा–भूकम्पले सम्भवत नेपाली चलचित्रको इतिहासमै सबैभन्दा प्रतिक्षित बनेको चलचित्र ‘रेशम फिलिलि’को दोस्रो दिनको दोस्रो सो चल्दाचल्दै रोकियो । महा–भूकम्प जादा रोकिएको ‘रेशम फिलिलि’ भदौ ११ मा रिलिज हुने भएको छ ।
चलचित्र बजारमा उक्त सिनेमाले ऐतिहासिक बिन्दुमा कारोबार गर्ने आंकलन गरिएको थियो तर भूइचालोका कारण त्यसो हुन सक्ने सम्भावना पूरा हुन सकेन् । चलचित्रका निर्माताले त्यसबाट ठूलै नोक्सानी व्योहरे । भूकम्प गएपछि रेशम फिलिलिले आफ्नो नियमित प्रदर्शन रोक्दै नयाँ मितिमा लगाउने घोषणा गरेको थियो तर मिति भने तोकेको थिएन । धेरैले हेर्ने इच्छा राखेको चलचित्र ‘रेशम फिलिलि’को नयाँ रिलिज मिति भदौ ११ लाई तोकिएको हो । चलचित्रका निर्माता माधव वाग्ले सो मितिमा फिल्म पुन : रिलिज हुने जानकारी दिएका हुन् ।
चलचित्रको ‘पारि त्यो डाँडामा’ बोलको गीत रातारात भाइरल बनेसँगै फिल्म हेर्न दर्शकहरुको अत्याधिक चासो बढेको थियो । चलचित्रलाई नयाँ निर्देशक प्रणव जोशीले निर्देशन गरेका हुन्, भने चलचित्रमा विनय श्रेष्ठ, मेनुका प्रधान, कामेश्वर चौरासिया, कर्मा आदिको मुख्य भुमिका रहेको छ ।
प्रतिक्रिया