KHOTANG in the 12-year-old girl who had tried to rape young prison
विशाल चौतारी समाचार
खोटाङ, २०७१, चैत ११, बुधबार । बालिकालाई जबरजस्ती करणी गर्न खोज्ने खोटाङका एक युवा कारागार चलान भएका छन् । स्थानीय १२ वर्षीया बालिकालाई जबरजस्ती करणी गर्न खोज्ने दिक्तेल नगरपालिका–३ का २३ वर्षीय रमेश आचार्य अदालतको आदेशमा बुधबार पुर्पक्षका लागि कारागार चलान भएका हुन् ।

आफ्नै घरमा सुतिरहेका बालिकालाई बाहिर बोलाएर ‘पैसा दिन्छु’ भन्दै जबरजस्ती करणी गर्न खोजेपछि आफन्तले दिएको उजुरीको आधारमा आचार्यलाई फागुन–१५ गते पक्राउ गरिएको थियो । रक्सीले मातेर बालिकाको घर गएका आचार्यले फागुन–१५ गते शुक्रबार बिहान बालिकाको कपडा खोलेर जबरजस्ती करणी गर्न खोजेको पीडित बालिकाको आफन्तले जनाएको छ ।
घटनापछि आफन्तले थाहा पाउना साथ फरार भएका आचार्यलाई सोही दिन पक्राउ गरिएको जिल्ला प्रहरी कार्यालय खोटाङ मुद्दा शाखाका प्रहरी नायव निरीक्षक यादव गौतमले जानकारी दिनुभयो । पक्राउ परेका आचार्यविरुद्ध जबरजस्ती करणी उद्योग अन्तरगत मुद्दा दर्ता गरेर कारबाही थालिएको थियो ।
बालीकाको स्वास्थ्य परीक्षणपछि घर पठाइएको गौतमले जानकारी दिनुभयो । उनको अवस्था सामान्य रहेको आफन्तले जनाएको छ ।
साभार : हाम्रो खोटाङ डटकम