laxmi nath sharma and saugat bista awarded
विशाल चौतारी समाचार
धरान, २०७१, फल्गुन ११, सोमबार । वरिष्ठ चलचित्र निर्देशक लक्ष्मीनाथ शर्मालाई लाइफटाइम एजिभमेन्ट अवार्ड पाउदा विश्वकै कन्छा निर्देशकमा गिनिज बुकमा नाम लेखाएका सौगात विष्टलाई ‘प्रोत्साहान सम्मान’ प्रदान गरिएको छ ।

आफ्नो स्थापनाको पहिलो वर्ष पुरा भएको अवसरमा नेपाली सिनेमा सम्बन्धी समाचार सम्प्रेशन गर्दै आएको वेवसाइट ‘फिल्मी बजार डट कम’ले विभिन्न सिनेकर्मी एवम् रगं पत्रकारहरुलाई सम्मानित गरेको हो । सोमबार राजधानीमा एक कार्यक्रम गर्दै उक्त वेवसाइटले वरिष्ठ चलचित्र निर्देशक लक्ष्मीनाथ शर्मालाई लाइफटाइम एजिभमेन्ट अवार्ड प्रदान गर्यो । निर्देशक शर्मालाई संचारमन्त्री डा. मिनेन्द्र रिजालले सम्मान प्रदान गरेका थिए ।

त्यस्तै गिनिज बुक अफ वल्ड रेकड्समा कान्छा फिल्म निर्देशकको कितिर्मान भर्खरै राखेका सौगात विष्टलाई ‘प्रोत्साहान सम्मान’ दिइयो । उता नेपालकी प्रथम अभिनेत्री भुवन चन्दलाई ‘अग्रज कलाकार सम्मान’ले सम्मानित गरियो । अभिनेत्री शिल्पा पोखरेललाई ‘नवप्रतिभा सम्मान’ले सम्मानित गर्दा नरेन्द्र महर्जनलाई ‘वितरक सम्मान’ र छायाकार मन्जु कुमार श्रेष्ठलाई ‘प्राविधिक सम्मान’ले सम्मानित गरियो ।

चलचित्र पत्रकारितातर्फको ‘चलचित्र पत्रकारिता सम्मान’ बाट रजतपटका प्रकाश सुबेदी ( टेलिभिजन तर्फ), कामना प्रकाशनका बिदुर गिरी (पत्रिका तर्फ) र फिल्मीखबर डट कमका सुमन गैरे (अनलाइन तर्फ) सम्मानित भए ।