Alok Nembang last movie AJHAI PANI universal certificate
विशाल चौतारी समाचार
काठमाडौ, २०७१, फल्गुन ५, मंगलबार । स्व. आलोक नेम्वाङ् निर्देशित अन्तिम चलचित्र ‘अझै पनि’ ले युनिभर्सल (सबैले हेर्न मिल्ने) प्रमाणपत्र प्राप्त गरेको छ । अभिनेता सुर्दशन थापा र अभिनेत्री पुजा शर्माद्धरा अभिनित सिनेमाले हिजो सोमवार साझ चलचित्र जाँचपास समितीले यस चलचित्रका सबै दृश्यलाई मान्यता दिँदै यूनिभर्सल बनाएको हो ।

फाल्गुन १५ बाट देशव्यापी रिलिज हुने चलचित्रले नारीको गहना सिन्दुर–पोतेको महत्व तथा युवा–युवतीको प्रेमकथामा बनेको ‘अझै पनि’ले दर्शकलाई मनोरञ्जन साथै समाजको अर्थ बुझाउने निर्माता पुनम गौतमले बताईन् । अर्का निर्माता तथा अभिनेता सुदर्शन थापाले यो चलचित्र नेपालीकोलागी अति नै मिठो उपहार रहेको बताए ।
यसअघि ”मेरो एउटा साथी छ”, ”मेरो लभ स्टोरी”, ”धन्दा” तथा ”मधुमास” जस्ता चलचित्र निर्देशन गरेर ख्याती कमाईसकेका सुदर्शन थापाको अभिनय रहेको यो पहिलो चलचित्र हो । सुदर्शनको साथमा पुजा शर्मा, सुरक्षा पन्त, पुष्प खड्का, विशाल ढुंगाना, विजय लामा, रामशरण पाठक, मिथिला शर्मा, प्रमिला खनाल, बिपना धिमाल लगाएतका कलाकारहरुको अभिनय रहेको यस चलचित्रका लेखक रामशरण पाठक हुन् ।
राजेश श्रेष्ठको छायांकन रहेको ‘अझै पनि’का सम्पादक प्रितम पाण्डे हुन् । अष्ट महर्जनको द्वन्द्व रहेको यस चलचित्रमा महेश खड्का, हरि लम्साल, सचिन सिंह, राजनराज सिवाकोटीको संगीत रहेको छ ।