nandita kc for ‘LOGNE MANCHHE ‘Why special?
विशाल चौतारी समाचार
तस्बिर : विशाल राई
काठमाडौ, २०७१, पौष १३, आइतबार । ‘म केही बर्षको अन्तरालपछि चलचित्र क्षेत्रमा फकिर्एको कारणले मेरो लागी चलचित्र ‘लोग्ने मान्छे’ बिशेष रहेको छ’, अभिनेत्री नन्दिता केसीले चलचित्र ‘लोग्ने मान्छे’ को अडियो बिमोचन कार्यक्रममा बताइन् । यो चलचित्रमा आफू श्रीमतीको भूमिकामा देखिएको बताइन् ।
आज काठमाण्डौमा एक कार्यक्रमको आयोजना गर्दै चलचित्रको अडियो बिमोचन गरिएको हो । चेतन सापकोटाको संगीत रहेको चलचित्रमा ४ वटा गीत समावेश गरिएको छ ।

अडियो बिमोचनमा बोल्दै यस चलचित्रका निर्देशक लय संग्रौलाले दर्शकहरुको चाहना बुझेर उनिहरुले रुचाउने पारिवारिक कथालाई पर्दामा उठाएको बताए । उनले यो चलचित्रपछि आफू तरकारी बेच्न कालिमाटी बजार जान नपरोस् भन्दै सबैलाई सहयोग गरिदिन आग्रह समेत गरे ।
त्यस्तै कार्यक्रमका प्रमुख अतिथी बनेर पुगेका निर्माता संघका अध्यक्ष राजकुमार राईले सिनेमाका गीतहरु राम्रा बनेको बताउदै निर्देशक लय संग्रौलाले आफ्नै जिवनका भोगाइहरुमा लोग्ने मान्छे बनाएको हुनपर्ने तर्क राखे । कार्यक्रममा विभिन्न चलचित्र सम्बन्धी संघसंस्थाका प्रतिनिधीहरुले चलचित्रको अडियो बिमोचन गर्दै शुभकामना दिएका थिए । चलचित्रलाई प्रदिप मित्तलले निर्माण गरेका हुन् ।
चलचित्रमा दीलिप रायमाझी, नन्दिता केसी, नीक शर्मा, केशव भट्टराई, बालदीप राई, अनिशा गुरुङ, धुरव कोइराला, संगीत लिम्बु, अन्जु थापा, विमला गिरी, लय संग्रौला लगायतका कलाकारको अभिनय छ । चलचित्रमा उत्तम केसी परिकल्पनाकारको रुपमा छन् । यस्तै, कृष्ण श्रेष्ठको छायांकन, कविराज गहतराजको नृत्य, रोशन श्रेष्ठको एक्सन, बनिश शाहको सम्पादन चलचित्रमा छ । यो चलचित्र माघ २३ गतेबाट प्रदर्शनमा आउदैछ ।
भिडियो हेर्नुहोस् :