nepali movie fanko song ma ta local beauty indira joshi, dayahang rai saugat malla and Priyanka Karki
विशाल राई
हेटौडा, २०७१, कात्तिक ३० आइतबार । नेपाली चलचित्र क्षेत्रमा अहिले ब्यास्त सेलिब्रेटिहरु मध्ये अभिनेतादय दयाहाङ राई, सौगात मल्ल र अभिनेत्री प्रियंका कार्कीपनि हुन् । यी तिनै सेलिव्रेटिहरु चलचित्रमा धेरै ब्यास्त रहेका छन् । समाचारहरुमापनि यी तिनै सेलिव्रेटिहरु पानी खान समेत नभ्याउने अवस्था रहेको हेर्न सुन्न पाइन्छ । तर यी तिनै सेलिव्रेटिहरु भने हिजो कात्तिक २९ गते हेटौडाको एक रिसोटमा देखिए । त्यही पनि रातको करिव ९ बजेदेखी बिहान ४–५ बजे सम्म । यी तिनै सेलिव्रेटिहरु अहिलेका चर्चित गायिका इन्दिरा जोशीको कन्र्सटमा झुम्न ब्यास्त रहेका थिए ।
प्रसंग थियो चलचित्र ‘फन्को’को एक गीतको छायांकनको । रिगल हेटौडा रिसोटमा चलचित्र फन्कोको ‘म त लोकल व्यूटी लोकल, म त लोकल क्यूटी लोकल’ बोलको गीतको छायांकन गरिएको थियो । हेटौडाको करिब २ सय भन्दा बढी बासिन्दा रिसोर्टको वरपर भेला भएका थिए । बेलुकी ७ बजेपछी चर्चित गायिका ईन्दिरा जोशी स्टेजमा देखिइन् । चलचित्रको गीतमा धेरै स्वर दिएपनि गायिका जोशीले नै अभिनय गरेको गीत भने यो पहिलो हो । आफ्नै म्यूजिक भिडियोमा मोडलिङ गर्दै आएकी गायिका जोशीका लागी चलचित्र पहिलो अनुभव भएकालेपनि टेक लिदा केही समस्या भयो । त्यसमाथी बढ्दै गरेको रात र जाडोले समस्या थपेको थियो ।
८ जना कोरशका अगाडी गाउदै नृत्य गरिरहेकी गायिका इन्दिरा जोशीलाई नृत्य निर्देशक कविराज गहतराजले डान्सका स्टेप सिकाउदै थिए, त कहिले कट भन्थे । उता यस गीतका चर्चित संगीतकार चेतन सापकोटा भने मख्ख थिए । संगीतकार चेतनले छायांकनरत गीतले दर्शकलाई नयाा टेष्ट दिने बताए । चेतनले चलचित्र ‘फन्को’का सबै गीत राम्रो भएको बताउदै दर्शक श्रोताले माया गर्ने विश्वास लिएको बताए । यस गीतको छायांकन स्थलमा उनलाई सर्वाधिक व्यस्त देखिएको थियो । काठमाण्डौबाट संचारकर्मीलाई बोलाउनेदेखि सम्पूर्ण व्यवस्थापन गर्न उनी लागीरहेका थिए । एकपछी अर्को सिनेमाका गीतहरु हिट भइरहेको समयमा सुटिङ भइरहेको गीतको संगीत राम्रौ भएको तारिफ संगीतकार चेतनले पाइरहेका थिए । संगीतकार सापकोटाले छविराज ओझको सिनेमा लज्जामा संगीत गरेको गीत ‘मात लाग्यो मात लाग्यो’ अहिले चर्चामा रहेको छ ।
एक्सन र कट लिदै गायिका इन्दिरा नाच्दै गर्दा उनको गीत सुन्न र नाच हेर्न रिगल हेटौडा रिसोर्ट परिसरमा २ सय भन्दाबढी दर्शक भेला भएका थिए । स्टेजमा इन्दिराले गाइरहदा उनको नृत्य हेर्न एक्कासी अभिनेतादय दयाहाङ राई। सौगात मल्ल र अभिनेत्री प्रियंका कार्कीको देखिए । त्योपनि दर्शकदिर्घामा ।
चलचित्रका निर्देशक सुवर्ण थापाले बताए अनुसार चलचित्रमा गायिका इन्दिरा जोशी आफ्नो वास्तविक नामबाट कन्सर्टमा सहभागी भएकी हुन्छिन् । तर दयाहाङ, सौगात र प्रियंका भने राजमार्गबाट भाग्दै आएका तिन पात्रको रुपमा कन्सर्ट हेर्न पुग्छन् ।’ सुवर्णले भने‘ – मैले यो पटक पूर्ण रुपमा व्यवसायिक चलचित्र बनाएको हु । व्यवसायिक चलचित्र बनाएर दर्शक र निर्मातालाई खुशी बनाउने विस्वास छ’, निर्देशक सुवर्णले भने । यसअघि थापाले ‘सुनगाभा’ चलचित्र बनाएका थिए ।

[gss ids=”6381,6387,6384,6385,6389,6383,6382,6386,6392,6380″]

उता चलचित्रका निर्माता नरेन्द्र महर्जन आफ्नै ठाउमा आफ्नै चलचित्रको एक गीतका भब्य सेट देखेर मंख रहेका थिए । रातभर चलेको यो गीतको छायांकन आज सकिएको संगीतकार चेतन सापकोटाले जानकारी दिएका छन् ।