Bisal Chautari Logo

लोकगायिका मञ्जु महतको २८ वर्षको उमेरमै निधन, को हुन् गायीका महत ?

- १५ चैत्र २०७०, शनिबार १४:३७ मा प्रकाशित


manju-mahat
विशाल चौतारी समाचार
काठमाडौं, १५ चैत्र । गत विहीबार गम्भिर दुर्घटनामा परेकी लोक गायिका मञ्जु महतको २८ वर्षको उमेरमा शनिबार निधन भएको छ ।
गीत रेकर्डिङका सिलसिलामा मालश्री स्टुडियोमा आउँदै गर्दा उनी सवार स्कुटर गल्कोपाखामा दुर्घटनामा परेको थियो । गायिका महत सवार स्कुटरलाई दुईवटा माइक्रो बसले चेपेपछी गम्भिर घाइते भएकी थिइन् । बा १ ज ९२१३ नम्बरको माइक्रोबस र अल्फावेट खुल्न नसकेको २०७१ नंबरको हाइस ब्राण्डको माइक्रोले उनलाई बिचमा थिचेका थिए ।
सवारी दुर्घटनामा गम्भिर घाइते बनेपछि उपचारका लागी टोखास्थित ग्रान्डी इन्टरनेशनल अस्पतालको कोमामा उपचारार्थ उनको अस्पताल ग्रान्डीकै सघनकक्षमा उपचार हुँदै गर्दा निधन भएको हो । अस्पतालले गायीका महतलाई शनिवार चार बजे तीर अस्पतालले मृत घोषणा गरेको थियो ।
दुर्घटना भएपछी गायिका महतलाई सबैभन्दा पहिला मनमोहन मेमोरियल अस्पताल लगिएको थियो । मनमोहन मेमोरियल अस्पतालले उपचार हुन नसक्ने बताएपछी उनलाई शिक्षण अस्पताल लगिएको थियो । त्यहाँबाट पनि उपचार हुन नसक्ने जनाउदै चिकित्सकहरुले ग्राण्डी अस्पतालमा रिफर गरेका थिए । गायिका महतको दुर्घटनाबाट देब्रे खुट्टा, दुबै मृगौला, टाउको र छाती लगायत शरिरका प्राय: सबै भागमा गम्भीर चोट लागेको थियो ।
को हुन् लोक गायीका महत ?
लोक गायिका मञ्जु महत आफ्ना परिवारका साथ
लोक गायिका मञ्जु महत कास्की जिल्ला भरतपोखरी गाविसमा जन्मिएकी हुन् । गायिका मञ्जुले इटहरीमा बिहे गरेकी हुन् । उनको कोखबाट ६ वर्षीया एक छोरी र डेढ वर्षका छोरा रहेका छन् ।
राष्ट्रिय लोक तथा दोहोरी गीत प्रतिष्ठान उपत्यका समन्वय समितीका उपाध्यक्ष समेत रहेकी लोक गायीका महतले किङफिसर दोहोरी गायन प्रतियोगितामा प्रथम भएपछि काठमाण्डुमा आफ्नो गायन यात्रालाई अगाडी बढाएकी थिइन् । गाउने क्रममा गायीका महत काठमाडौं दोहोरी साँझ, गामबेशी दोहोरी साँझ,धरहरा दोहोरी साँझ लगायतमा आबद्ध रहीन् ।
लोक संगीतको क्षेत्रमा ‘सोह्र दुना आठ’ बोलको गीत गाएपछि उनको साङ्गीतिक करियर राम्रो हुदै गइरहेको थियो । सो गीत लोक गायक पशुपति शर्मासँग गाएकी थिइन् । पछिल्लो समयमा विदेश तथा स्वदेशका कन्सर्ट, सांस्कृतिक कार्यक्रम तथा विभिन्न महोत्सवहरुमा व्यस्त भइरहेकी थिइन् ।
गायीका मञ्जु महतको ‘नभन है कसैलाई भन्न हुँदैन’, ‘हिरामोती झैं’ लगायत एल्बमहरु बजारमा आइसकेका छन् ।

add

प्रतिक्रिया