बिराटनगर, २०७१, बैशाख २० शनिवार । प्रेम साच्चिकै अन्धो हुन्छ भन्ने कुरा पचण्ड पुत्र प्रकाश दाहाल र उनकी वैधता नपाएकी प्रेमिका बिना मगरको सम्वन्धले प्रमाणित गरेको छ । 

केही दिन अगाडी मात्र यी दुई जोडी राष्ट्रिय सम्मेलन छाडेर भागेका छन् । पार्टी हेडक्वाटरबाटै प्रतिनिधि मनोनित भएर बिराटनगर पुगेका प्रकाश र कञ्चनपुरकी बिना राष्ट्रिय सम्मेलनमा बस्न नपाउने भएपछि भागेका रहेछन् । आफ्ना पूर्वपति–पत्नीलाई छाडेर अनुचित यौन सम्बन्ध राखेको भन्दै आलोचना खेप्दै आएका मगर र दाहाल दुबैको प्रतिनिधित्व सम्बन्धी बैठकमा चर्को विवाद भएको थियो । सगरमाथा चढ्ने क्रममा झाँगिएको उनीहरुको गहिरो प्रेमसम्वन्ध अहिलेसम्म टुटेको छैन । प्रचण्डपुत्र प्रकाश दाहाललाई ठूला नेतासँगै स्वागतम होटलमा देखेपछि कार्यकर्ताले प्रश्न उठाएका थिए । अन्तत: उनीहरुको प्रतिनिधित्वमाथि नै प्रश्न उठेपछि दुबैले सम्मेलनस्थल छाडेका हुन् ।

यसैवीच विना मगरले भागेको बारेमा स्पस्टिकरण दिदै आफू बिराटनगरमै रहेको र सम्मेलनको बन्दशत्रमा सहभागी हुने बताएकी छन् । प्रचण्डपुत्र प्रकाश धरानतिर डुल्न गएको एमाओवादी नेताले बताए । तर उता, प्रकाश दाहालले भने अनलाइनखबरसँग कुराकानीमा आफू भागेको नभई भारतको सिलीगुडीमा आयुर्वेदिक औषधि लिन गएको बताए । आमा सीता दाहालले केही वर्ष पहिले सिलिगुढीमा आयुर्वेदिक औषधि सेवन गरेको र यसपालि पनि सोही औषधि लिन आमाको सहयोगका लागि सिलिगुडी गएको प्रकाशले बताए । यस्तै हो, अधुरो प्रेम काहानी ।