pooja sharma Birthday Celebration with paul shah
विशाल चौतारी समाचार
काठमाडौ, २०७४ बैशाख १८ सोमबार । ‘म यस्तो गीत गाउँछु’की अभिनेत्री पूजा शर्माले आफ्नो जन्मदिन भब्य रुपमा सेलिव्रेशन गरेकी छिन् । बैशाख १७ गते हिजो काठमाण्डौमा पूजाले नजिकका चलचित्रकर्मी, पत्रकारलाई निम्त्याएर आफ्नो बर्थ डे सेलिव्रेशन गरिन् । चलचित्र ‘म यस्तो गीत गाउँछु’को ‘भन्छु आज’ बोलको गीतको भिडियो सार्वजनिक गर्ने बहाना पारेर पूजाको जन्मदिन सेलिव्रेशन गरिएको थियो ।
चलचित्र ‘म यस्तो गीत गाउँछु’का मुख्य अभिनेता पल शाहले पूजाको हात समात्दै कार्यक्रममै गीत गाएका थिए । पलले हातै समातेर गीत गाउँदै जन्मदिनको शुभकामना दिएपछि पूजा दंग देखिएकी थिइन् । अभिनेता पलले पुजालाई गीत गाएर मात्र हैन, बुकी फुल पनि दिएका थिए ।
केक काट्दै पूजाले सबैसाग यसरि जन्मदिन सेलिव्रेशन गर्न पाउदा आफू अत्यन्तै खुशी भएको बताइन् । चलचित्रका मुख्य कलाकार सरोज खनाल, रुपा राना लगायत पनि उनलाई शुभकामना दिन पुगेका थिए । यस्तै, पूजालाई शुभकामना दिन केही चलचित्रकर्मी कार्यक्रममा पुगेका थिए ।
कार्यक्रममा एकसाथ पुगेका पल र पूजाको पहिरन र हेयर स्टाइलको तारिफ भयो । यस्तै, चलचित्रका निर्देशक सुदर्शन थापाले पनि पूजालाई जन्मदिनमा शुभकामना दिए । पूजाले आफनो उमेर भने खुलाइनन् ।
प्रतिक्रिया