sabin shrestha and Rekha Thapa hero returns nepali movie
विशाल चौतारी समाचार
काठमाडौ, २०७३ जेठ २३ आइतबार । अभिनेत्री रेखा थापाले चलचित्र हिरो बाट नेपाली चलचित्र क्षेत्रमा प्रवेश गरेकी थिईन् । र अहिले नेपाली चलचित्र क्षेत्रमा उनी नम्बर एक अभिनेत्री हुन् । तर अभिनेत्री रेखाले डेब्यु गरेको चलचित्र हिरो कै नाम रहेको तर सिक्वेल नभएपनि सिक्वेल जस्तै नाम रहेको चलचित्र ‘हिरो रिटन्स’मा काम गर्ने पक्का भएको छ । रेखा र सनिवको जोडीलाई दर्शकहरुले धेरै चलचित्रमा मनपराई सकेका छन् ।

चलचित्रलाई ‘जंगबहादुरको कोट’ निर्देशन गरिसकेका आशिष भेटवालले निर्देशन गर्ने पक्का भएको छ । अष्ट्रेलियामा रहेका निर्देशक आशिष यही चलचित्रका लागी अब नेपाल आउदैछन् । यस भन्दा अगाडी समिर मियाँले निर्देशन गर्ने चर्चा थियो ।केही समय अगाडी नै निर्माण हुने बताइएको चलचित्र हिरो रिटन्सलाई अभिनेता सविन श्रेष्ठले सहदेव गौतमसंग मिलेर निर्माण गर्ने भएका हुन् । चलचित्रको निर्माण टिममा भन्ने चलचित्र दमदार निर्माण गरिसकेका निर्माता चन्द्र गौतम पनि सामेल भएका छन् । चलचित्रको मूख्य कलाकारहरु पनि करिब टुंगो लाईसकेको छ । चलचित्रमा सविन श्रेष्ठको अलवा रेखा थापा प्रमूख भुमिकामा देखिने भएकी छिन् । कलाकारहरुको वारेमा जानकारी गराउदै निर्माता चन्द्र गौतमले अन्य कलाकारहरुको समेत टुंगो लागेको तर नाम नखुलाईएको बताएका छन् ।
अर्को रोचक कुरा के छ भने निर्माता चन्द्र गौतमले अभिनेता सविन श्रेष्ठसंग मिलेर हरेक बर्ष विग प्रोजेक्टको एउटा चलचित्र निमाण गर्ने घोषणा समेत गरेका छन् । गौतम समाजसेवामा पनि सक्रिय छन् । हाल उनी सामुदायिक प्रहरी गौगंबुका उपाध्यक्ष समेत रहेका छन् । चलचित्रका नायक तथा निर्माता सविन श्रेष्ठले पनि चन्द्र गौतमसग सहकार्य भएपछि चराम्रो बन्ने बताएका छन् । यसो त रेखा र सनिवको जोडीलाई दर्शकहरुले धेरै चलचित्रमा मनपराई सकेका छन् । चलचित्रमा एक्सन, विषयबस्तु र गीत बलियो हुने बताईएको छ ।