baboo bogati ‘Respect’ release The senior singer tara thapa to honor made
विशाल चौतारी समाचार
तस्बिर : विशाल राई
काठमाडौ, २०७३ बैशाख २८ मंगलबार । गायक, संगीतकार तथा अभिनेता समेत रहेका बाबु बोगटीले सांगीतिक करियरको पाचौ एल्बम ‘रेस्पेक्ट’ लिएर श्रोतामाझ आएका छन् । उनको एल्बमको राजधानीमा आयोजित कार्यक्रममा सदाबहार नायिका करिश्मा मानन्धर, गायक, संगीतकार तथा नेपाल संगीत तथा नाट्य प्रज्ञा प्रतिष्ठानका सदस्य सचिव गणेश रसिकलगायतले संयुक्त रुपमा सार्वजनिक गरे ।
एल्बम विमोचन समारोहमा वरिष्ठ गायिका तारा थापालाई ११ हजार १ सय ११ रुपैंया नगदसहित ताम्रपत्रबाट सम्मान गरिएको थियो ।
एल्बममा ‘धेरै पछि’, ‘साली ओ साली’, ‘बज्दैन मुर्चुङ्गा’, ‘म त हिड्नुपर्ने’, ‘सपनीमा’, ‘मनै त हो’, ‘यो सााझ’, ‘के भयो’ र ‘हेर फूल्न थाले’ बोलका गीत छन् । बाबुको सोलो संगीत र गायन रहेको एल्बममा सुसन खड्का, बासुदेव मुनाल, लोकेश बोगटी, टंक विकल्प, खेम रिजाल, नविन सुवेदी, बाबु र राजेश घतानीको शब्द छ ।
कार्यक्रममा एल्बमका ‘धेरै पछि’ र ‘साली ओ साली’ बोलको गीतको म्युजिक भिडियो पनि सार्वजनिक गरिएको थियो । बाबुले यसअघि २०५७ सालमा ‘पुल्चोक पाटन’, २०६० सालमा ‘रिक्वेष्ट’, २०६३ सालमा ‘रिजल्ट’ र २०७० मा ‘प्रायश्चित’ एल्बम श्रोतालाई दिईसकेका छन् । बाबुले गाएका ‘फेरि त्यो दिन’, ‘सान्नानी’, ‘जमुना’लगायतका गीत हिट गीतमा पर्दछन् । बाबु आफैमा फिल्मका नायक पनि हुन् ।

baboo bogati back with his 5th music album “RESPECT”
song-sali 0 sali sali sali
music & vocal-baboo bogati
lyrics-basudev munal
company-Tulsi Entertainment Pvt.L.td note: copy rights of this video is strongly probihated.it is only the rights with tulsientertainment Pvt.Ltd