बिशाल चौतारी समाचार
काठमाडौं, २०८२ भाद्र १३ शुक्रवार। बिहिबारबाट प्रदर्शनमा आएको चलचित्र ‘कोशेढुंगा’ले उत्कृष्ट प्रतिकृया हलबाट पाइरहेको छ । हलबाट बाहिरिदै गरेका दर्शकहरुले रुदै भनेका छन्, ‘पूर्ण बहादुरको सारंगी’ हेर्दा जति रोएको थिए अहिले ‘कोशेढुंगा’ हेरेपछि झनै भक्कानिएरै रोए ।

ब्लकबस्टर ‘पूर्णबहादुरको सारंगी’का निर्देशक सरोज पौडेलको निर्देशन रहेको चलचित्रको रिलिजको पूर्व सन्ध्यामा ‘कोशेढुंगा’ को प्रिमियर शो गत बुधबार काठमाडौंको सिभिल मलस्थित क्यूएफएक्समा आयोजित विशेष समारोहबीच प्रिमियर सम्पन्न गरिएको हो । सोसल–ड्रामा जनराको यो चलचित्र नेपाल सहित विश्वका ४२ भन्दा बढी देशमा एकसाथ प्रदर्शनमा आएको छ । चलचित्रले नेपालमा सय भन्दा बढी शो पाएको छ । प्रिमियरमा चलचित्रले सकारात्मक प्रतिक्रिया पाएको छ ।

ग्रामीण परिवेशमा छायांकन गरिएको चलचित्रको मुख्य भूमिकामा सुरक्षा पन्त र मञ्जिल कुमार छन् । यस्तै ऋचा शर्मा, आर्यन सिग्देल, सरोज खनाल, नीति शाह, सृजना अधिकारी, प्रविण खतिवडालगायतका कलाकारको पनि अभिनय रहेको छ ।
नरदेवी फिल्मसको प्रस्तुति र सारंगी फिल्मस्को सहकार्य रहेको फिल्मको निर्मातामा प्रेविल कँडेल र किशोर अनुराग छन्। फिल्मको कार्यकारी निर्माता दिनेश खड्का हुन्। बाबु श्रेष्ठले छायांकन गरिरहेको यो फिल्ममा नहकुल खड्काको सम्पादन, आशिष अविरल र रिदम कँडेलको संगीत छ। यस फिल्मको कास्टिङ डिरेक्टर सुवलमणि सापकोटा हुन्।
फिल्मलाई प्याट्रिक सुवेदी र रमेश ढकालको सेभेन सिज इन्टरनेसनलले अन्तर्राष्ट्रिय बजारमा वितरण गर्दैछ। यो फिल्म डायस्पोरामा नेपाली सिनेमाकै इतिहासमा पहिलो पटक एकसाथ ४२ देशमा प्रदर्शनमा आउने जनाएको छ। पहिलो पटक यति धेरै देशमा एकसाथ फिल्म प्रदर्शन हुँदा ‘कोशेढुंगा’ले नेपाली सिनेमालाई अन्तर्राष्ट्रिय स्तरमा नयाँ उचाइ दिने अपेक्षा निर्माण टिमको छ।

तस्विरमा ‘कोशेढुंगा’ ग्राण्ड प्रिमियर शो

तस्बिरहरु : मनिश मगर