Rajkumar Rai president welcoming nepali chalchitra bikash board
विशाल चौतारी समाचार
तस्बिरहरु : विशाल राई
काठमाडौ, २०७२ जेष्ठ २५ सोमवार । नेपाल चलचित्र विकास बोर्डको अध्यक्ष पदमा नेपाल सरकारको मन्त्रीपरिषद्को बैठकबाट नियुक्त भएका चलचित्रकर्मी राजकुमार राइले आज सोमबार पदबहाली गरेका छन् । दौरा सुरुवाल र टोपीमा नेपाली भेषमा चलचित्र विकास बोर्ड पुगेका राइलाई बोर्डका कर्मचारी र चलचित्रकर्मी र पत्रकारहरुका साथमा बाजा बजाएरै स्वागत गरिएको थियो । उनलाई चलचित्रकर्मीले फूलमाला लगाइदिए । उनले आफ्नो कार्यकक्षमा गएर हाजिर गरे ।
अध्यक्ष राजकुमार राइले पदबहाली गरेपछि विकाश बोर्डमै आयोजित कार्यक्रममा उनलाई विभिन्न संघसंस्थाका प्रतिनिधी र चलचित्रकर्मीले शुभकामना दिएका थिए । सबै संघसंस्थाका चलचित्रकर्मी, पत्रकारले राजकुमार राई गर्न सक्ने मान्छे भएको भन्दै उनी बोर्ड अध्यक्ष भएर आउँदा खुशी लागेको भावना ब्याक्त गरेका थिए । अध्यक्ष राइले कार्यक्रममा बोल्दै आफ्नो मुख्य काम भनेको चलचित्र क्षेत्रमा बक्स अफिस लागू गर्नु भएको बताए । उनले चलचित्रकर्मीले आफूप्रति देखाएको भरोसा र साथमा खुशी लागेको बताए । महा–भुकम्पका कारण पीडित बनेका चलचित्रकर्मीका लागि काम गर्नु आफ्नो पहिलो प्राथमिकता भएको बताए । साथमा अध्यक्ष राईले बक्स अफिस, चलचित्र र हल बर्गीकरणको काम आफ्नो मुख्य प्राथमिकतामा पर्ने बताए ।
त्यस्तै अर्को ठेट कुरा बोल्दै भने–‘मलाई कुनै कुरा थोरै आउँछ होला, तर जती आउँछ प्रष्ट आउँछ ।’ अध्यक्ष राइले यसो भनिरहँदा चलचित्रकर्मीले ताली बजाएर समर्थन गरेका थिए । राईले थपे ‘अब म सम्पूर्ण चलचित्र क्षेत्रको नै मानिस हुँ, यसैले सबैसँग मिलेर काम गर्छु’ । अध्यक्ष राइले चलचित्र विकास बोर्डले आयोजना गर्दै आएको ‘राष्ट्िरय चलचित्र पुरस्कार’लाई पनि निरन्तरता दिने बताए । २ बर्षका लागि पदबहाली गरेका अध्यक्ष राइले साना–साना कुराहरुलाई सबैसँग मिलेर समाधान गर्ने भन्दै यतिबेला मुख्य चुनौतीलाई हल गर्नुपर्ने आवश्यकता औल्याएका थिए ।
[gss ids=”9895,9903,9902,9901,9900,9899,9897,9896,9898″]
प्रतिक्रिया