The girl was arrested Above acid attack
विशाल चौतारी समाचार
काठमाडौ, २०७१, चैत ६, शुक्रबार । वसन्तपुर एसिड आक्रमण प्रकरणका मुख्य अभियुक्त प्रहरीले सार्वजनिक गर्दै गर्दा बेहोस भए । प्रहरीले २० वर्षे जीवन विकलाई आक्रमण अभियोगमा पक्राउ गरी सार्वजनिक गर्न आयोजना गरेको पत्रकार सम्मेलनमा बयान दिँदै गर्दा उनले बेहोस भएको नाटक गरेका हुन् ।
बिबिएस अध्ययनरत उनलाई उत्तरी काठमाडौंको टोखा–६ विनायकमार्गस्थित आफ्नै कोठबाट प्रहरीले पक्राउ गरेर महानगरीय प्रहरी आयुक्तको कार्यालय रानीपोखरीबाट शुक्रबार सार्वजनिक गरेको हो । बयान दिँदै गर्दा उनी अस्वभाविक तरिकाले बेहोस भएका थिए। विकले ‘संगीता पुलामी मगर’को सुन्दरा बिगार्न आक्रमण गरेको’ स्वीकारेका छन् ।
मगर परिवारले बिकमाथि शंका गर्दै आएको थियो । एसिड आक्रमणको घटनासम्बन्धी छापिएका पत्रिकाहरु संकलन गरेर बिकले कोठमा राखेको फेला परेको छ । घटना आफूले गराएको बिकले स्विकार गरेको प्रहरीले जनाएको छ ।
फागुन १० गते एक टयुसन सेन्टरमा पढिरहेको बेला संगीता र उनीहसँगै रहेकी सीमा बस्नेतमाथि एसिड फालिएको थियो । गम्भीर घाइते दुई जनै छात्रा उपचारकै क्रममा अस्पतालमा भर्ना छिन् । दुवैजना बिहीबार सुरु भएको एसएलसी परीक्षा अस्पतालबाटै दिइरहेका छन् ।
(तस्बिर तथा समाचार नागरिक डटकमबाट)
प्रतिक्रिया