rajesh payal rai and indira joshi live concert 

ब्रेकर : कार्यक्रममा गीत प्रस्तुत गरिरहदा गायक राजेश पायल राईले हिमाली जुम्लामा निर्माणधिन शान्ति स्तुपको सहयोगार्थ ५ हजार रकम सहयोग गर्ने जनाउदा सबै दर्शकहरुले तालि बजाए ।

विशाल चौतारी समाचार
तस्बिरहरु : विशाल राई
काठमाडौ, २०७१, माघ ३, शनिबार । पाश्र्व गायन तथा आधुनिक गायनका भर्सस्टाइलिस चर्चित गायक राजेश पायल राईले नर्लिङ रिसोर्टमा पछिल्लो समयका ब्यास्त गायिका इन्दिरा जोशीलाई ‘म त मर्छु कि क्या हो ठुली’ भनेपछी कन्र्सट तातेको थियो ।
प्रसंग हो, विकट हिमाली जुम्लामा निर्माणधिन शान्ति स्तुपको सहयोगार्थ ‘जुम्ला शान्ति स्तुप च्यारिटी सो को भब्य कन्र्सटको । सोनाम लोसारको अवसर पारेर जनवरी १६ अर्थात हिजो काठमाडौाको गोकर्णस्थित नोर्लिङ रिसार्टमा भब्य सांगीतिक कार्यक्रम भएको थियो । कार्यक्रमबाट उठेको रकम शान्ति स्तुप निर्माणमा खर्च गरिने आयोजकले बताएको छ ।
नलिङ रिसोर्टमा भरिभराउ दर्शकहरु कार्यक्रमको अन्यतिर पुगेका चर्चित गायक राजेश पायल राईको पर्खाइमा रहेका थिए । पर्खाइको फल फिठो हुन्छ भनेझै गायक राजेश पायलको नाम उद्घोषकले बताउने बित्तिकै दर्शकहरुले जुरुक्कै उठेर राई इज किङ, राई इज किङ भनिरहेका थिए । स्टेजको ब्याकबाट ‘फेरी फेरी, फेरी नाई नभन्नु ल गाउदै स्टेजमा उत्रिएका गायक राजेश पायल राईले लगातार ९ वटा गीत प्रस्तुत गरे । काठमाडौको माघ महिनाको रात्रि जाडोमापनि वास्ता नगरी उफ्रिरहेका दर्शकहरु गायक राजेश पायलको स्वरमा स्वर मिलाई वान्समोर वान्समोर भनिरहेका थिए । दर्शकहरुको यस्तै वान्समोरलाई स्विकार्दै गायक राजेश पायलले क्रमश : शिलशिला, दिक्तेल बजार, मोहनी लाग्ला है, नौझाले मायाले गाए । कार्यक्रममा गीत प्रस्तुत गरिरहदा गायक राजेश पायल राईले हिमाली जुम्लामा निर्माणधिन शान्ति स्तुपको सहयोगार्थ ५ हजार सहयोग गर्ने जनाउदा सबै दर्शकहरुले वाहिवाहि दिएका थिए ।
दर्शकहरुको चाहनालाई बुझेर क्रमश गीत गाइरहेको बेला गायक राजेश पायल राईले एक्कसी गायिका इन्दिरा जोसीलाई स्टेजमा बोलाए । गायिका इन्दिरा जोशी पनि ‘मेरो लाउरे आउछ रे’ गाउदै स्टेजमा आइन् । त्यसपछी राजेश पायलले इन्दिराको हात समाउदै ‘म त मर्छु कि क्या हो ठुली’ गाए । दुई जोडीले स्टेजमा चलचित्र ठुलीको गीत प्रस्तुत गर्दा वान्समोरका कारण पुन सोही गीत ‘म त मर्छु कि क्या हो ठुली’ गाए । त्यसपछि गायक राजेश पायलले दर्शकहरुको वान्समोरलाई मध्येनजर गर्दै सिरै फुल सिरबन्दि गाए । चिसो मौसममा दर्शकहरुमाझ गीत प्रस्तुत गरिरहेका गायक राजेश पायल राईले अन्तिम गीत स्वरुप ओखरे साइला गाउदै स्टेजबाट बाहिरिए । तर स्टेज अगाडी दर्शकहरु भनिरहेका थिए, ‘वान्समोर राई इज किङ’ ।
त्यस्तै गायिका इन्दिरा जोशीले कार्यक्रममा बेहुली बोलको गीतबाट सुरुवात गरकी थिइन् । युवा पुस्तामाझ नेपाली साकीराको नामले पनि परिचित इन्दिराले सोही अनुसार आफ्ना गीतको धुनहरुसंगै कम्बर मर्काए । त्यसपछि क्रमश इन्दिराले माछि मारन हो, उध्रेको चोली रातो घागारा लगायतका गतिहरु प्रस्तुत गरे ।
त्यस्तै गायक छिरिङ गिर्मेले हिमाली सायाम्से, डोल्मा लाकङ, इङजेमो लगायत बोलको गीतहरु प्रस्तुत गरे । कार्यक्रमबाट उठेको सत प्रतिशत रकम शान्ति स्तुप निर्माणमा खर्च गरिदैछ ।

सबै फोटो फिचरमा हेर्नुहोस्

[gss ids=”8019,8027,8028,8029,8024,8023,8022,8021,8020,8026,8025,8018,8015″]

ma ta marchu ki kya ho thooli