विशाल चौतारी समाचार
तस्बिर : विशाल राई
काठमाडौ, २०७१, पौष २५, शुक्रबार । आजबाट देशभरका करिब ५० वटा हलमा प्रदर्शनमा आएको चलचित्र ‘आभाष’ले प्रेस शोको आयोजना गरेको थियो । काठमाण्डौको बीग सिनेमामा आयोजना गरिएको प्रेस शोमा रंग पत्रकाहरुको साथमा केही नेपाली चलचित्रका कलाकार पनि पुगेका थिए ।
प्रस शोमा अभिनेत्रीद्धय केकी अधिकारी, बेनिशा हमालसहित सिनेमाका कलाकारहरु निशा अधिकारी, सलोन बस्नेत, आश्मा डीसी, सुनिल रावल र फेसन डिजाइनर निलिमा शर्मा प्रेस शोमा देखिए । सुरेन्द्र पौडेलको निर्देशनमा बनेको यो चलचित्रलाई पत्रकार तथा कलाकारले रुचाएका छन् । सिनेमा हेर्ने सबैले चलचित्रको सिनेम्याटोग्राफिको तारिफ गरेका छन् ।
उता यही चलचित्रबाट डेब्यु अभिनेत्री आश्मा डीसीले पनि प्रेस शोमा उपस्थित सबैको मुखबाट धेरै राम्रो काम गरेको प्रतिकृया पाइन् । अभिनेत्री आस्माले चलचित्रबाट पाएको प्रतिक्रियाले आफू अत्यन्त उत्साहित भएको बताइन् ।
उता अभिनेता सलोन बस्नेतको अभिनयको पनि तारिफ भएको छ । कसैकसैले त अभिनेता सलोनले सिनेमामा सबैभन्दा बढी राम्रो काम गरेको समेत सुन्न पाइयो । त्यस्तै निर्देशक सुरेन्द्र पौडेलले दर्शक तथा पत्रकारबाट प्रतिक्रिया पाएर आफूले गरेको काम सफल भएको ठानेको बताए ।
[gss ids=”7879,7876,7880,7877,7878″]
प्रतिक्रिया