subash thapa expression peraaryan sigdel answer – “Thank you for Assessors’
विशाल चौतारी समाचार
तस्बिरहरु : बिशाल राई
काठमाडौ, २०७१, पौष १०, बिहिबार । केही दिन अगाडी अभिनेता सुवास थापाले चर्चित अभिनेता आर्यन सिक्देललाई कलाकार नभई क्यारिकेचर गर्ने पात्र मात्र भएको अभिव्यक्ति दिएका थिए । अभिनेता आर्यनले आफ्नो पहिचान गुमाएर बलिउडका कलाकारको कपी गरेको आरोप लगाएका थिए । सुवासले आर्यनमा सलमानको स्टाइल र साहरुखको अभिनय रहेको बताएका थिए । यही बिषयमा हिजो पत्रकारहरुसंग कुराकानी गर्दै अभिनेता आर्यनले सुवासलाई आफ्नो मुल्यांकन गरिदिएकोमा धन्यवाद दिएका छन् ।
पौष २५ गतेबाट रिलिज हुन लागेको चलचित्र ‘अलबिदा’का मुख्य पात्र अभिनेता आर्यन सिग्देल भने, ‘उहाले मलाई बलिउडका चचिर्त कलाकारसग दाज्ने लायक सम्झनु भएछ, मलाई खुशी लाग्यो । बलिउडका २ चचिर्त अभिनेताहरु सलमानको स्टाइल र साहरुखको अभिनयको खुबी म भित्र हुनु नै त राम्रो कुरा हो ’, अभिनेता आर्यनले बताए । आर्यनले थपे ‘दर्शकले मेरो अभिनयमा स्टाइल देख्छन् भने त्यो मेरो सफलता हो । दर्शकले मलाई बिगत एक दशकदेखि स्विकार्नु भएको छ । अरुले के भन्छन्, त्यो मेरो चासोको बिषय पनि हैन । म दर्शकको लागि काम गर्ने कलाकार हु’, अभिनेता आर्यनले बताए ।

अभिनेत्री अनिताको आक्रोश 

यही विषयमा कुराकानी भइरहदा अभिनेत्री अनिता आचार्यले यस बिषयमा आफु बोल्ने भन्दै सुवास जी एकदमै घमण्डि भएको बताइन् । आचार्यले सुवास भन्दा आर्यन नेपाली चलचित्र क्षेत्रमा अगाडी भित्रिएकाले यस्तो अभिव्याक्ति दिनु राम्रो नभएको प्रस्ट्याइन् । भनिन्– ‘म दुबैजनासंग काम गरेको छु । तर मलाई सुवास जी घमण्डि लाग्यो । नेपाली चलचित्र क्षेत्रमा लामो समयदेखी सफल रुपले अगाडी बढिरहनु भएका आर्यन जी एकदमै काम गर्न सजिलो पाए’, अभिनेत्री अनिताले बताइन् ।