Bijay Bmoon Lama albam nasha chadyo mayako 
विशाल चौतारी समाचार
काठमाडौं, २०७१, मंसिर १३ शनिबार । पछिल्लो समयमा नेपाली सेलिव्रेटिहरु सामाजिक काममा निकै अग्रसर रहेको पाइन्छ । चलचित्रको प्रोमोशनको क्रममा सामाजिक काम गर्ने परम्परा अहिले आएर एल्बम विमोचनमा समेत हुन थालेको छ ।
यस्तै क्रममा आज राजधानीमा एक कार्यक्रमको आयोजना गर्दै नव गायक विजय बिमुनले आफ्नो एल्बम ‘नशा चढ्यो मायाको’ बिमोचन गर्दै रकम प्रदान गरेका हुन् । बरिष्ठ गीतकार डा भोला रिजाल, डा कृष्ण हरि बराल, गायन क्षेत्रका युगल जोडी शिला बहादुर मोक्तान र कुन्ती मोक्तानसंगै गायक बिमुनले एल्बमको बिमोचन संयुक्त रुपमा बिमोचन गरे ।
कार्यक्रममा एल्बम बिमोचनसंगै गायक विजयले दिलशोभा श्रेष्ठले संचालन गरिरहेको आमघर लाई नगद रु १ लाख ११ हजार १ सय ११ रुपया हस्तान्तरण गरे । गायक विजयले दिएको नगद सहयोग लिदै दिलशोभाले आफ्नो लागि यो सहयोग अत्यन्तै ठुलो रहेको बताए । यो सोच्दै न सोचेको सहयोग हामीले पायौ , यो हाम्रो लागि, हाम्रो आमा घरका सबै आमाहरुका लागी निकै ठुलो सहयोग हो’, दिलशोभाले हर्षित हुदै आफ्ना भावनाहरु ब्याक्त गरिन् । बृद्ध वृद्धालाई आसय दिईरहेकी दिलशोभाले बुवा आमाको मरेपछि श्राद्ध गर्नुको सट्टा बाचुन्जेल श्रद्धा गर्न आग्रह गरिन । साथै कार्यक्रमका प्रमुख अतिथि समेत रहेका डा रिजालले गायक विजय बिमुनको सांगीतिक जीवनको उज्वल भबिष्यको कामना गरे । यता कार्यक्रमका अर्का अतिथि डा बरालले पनि गीतको म्युजिक भिडियो हेरे पश्चात विजयको सांगीतिक यात्रा सफल हुने संकेत देखेको बताए । भने–यस क्षेत्रको उत्थान र विकासको लागि विजय जस्ता नयाा युवालाई प्रोत्साहन गर्नुपर्छ ।’ यसै गरि कार्यक्रमका अर्का अतिथि शिला बहादुर मोक्तान र कुन्ती मोक्तानले पनि विजयलाई सांगीतिक जीवनको सफलताको शुभकामना दिए ।
कार्यक्रमको अन्त्यमा बोल्दै गायक विजयले आफुलाई यहाा सम्म पुर्‍याउनमा सहयोग गर्ने सबैलाई आभार व्यक्त गरे । परिस्थितिले मलाइ प्रवासमा पुर्याएता पनि म संगीतबात टाढा हुन् चाहन्न त्यहि भएर आज एल्बम लियर तपाईको माझमा छु’ नव गायक विजय बिमुनले बताए । यस्तै कार्यक्रम चलिरहेकै समयमा एक बालिकाको उपचारार्थ घरआगट सामाजिक संस्थालाई ५ हजर रकम हस्तान्तरण गरे ।
गायक विजयको ‘नशा चढ्यो मायाको एल्बममा ६ गीत समावेश छन् । एल्बममा नशा चढ्यो मायाको, आमा, धुलिखेल दाप्चा, भन्छ मनले, मेरो मायालाई, तिमि बाट बोलको गीत समावेश छन् । कार्यक्रममा एल्बम भित्र समावेश टाइटल गीत नशा चढ्यो मायाको को म्युजिक भिडियो समेत देखाइएको थियो । जसमा स्वाम गायक विजय र नम्रता सापकोटा मोडेलको रुपमा समावेश छन् ।