विशाल चौतारी समाचार
काठमाडौ, ३० मंसिर । कलेज पढ्ने चार केटाहरुको एउटा सांगीतिक समूह र सो समूहमा आबद्ध एक मुख्य सदस्यको मेरुदण्ड पक्षघात पश्चात हुने घटनाक्रमलाई मुख्य कथा बनाइएको चलचित्र ‘मोक्ष’को आईतवार चलचित्रको प्रोमो र अडियो लन्च सार्वजनिक गरीएको छ ।
आईबार राजधानिमा आयोजित एक कार्यक्रमको बिच डाक्टर बसन्त पन्त, चलचित्रका निर्माता सुनिल मानन्धर, चलचित्रका अभिनेता कोशिस क्षेत्री र अभिनेत्री बेनिशा हमाल लगायतले चलचित्रको अडियो गित विमोचन गरेका थिए । त्यस्तै कार्यक्रममै डाक्टर पन्तद्धरा चलचित्रको केही प्रोमोहरुपनि सार्वजनिक गरीएको थियो ।
चलचित्रमा समावेश गीत र प्रोमो सार्वजनिक भएसँगै चचिर्त वितरक तथा चलचित्रका निर्माता सुनिल मानन्धरले बोल्दै आफूले पैसा कमाउन चलचित्र नबनाएको बताए । मानन्धरले भने–‘ चलचित्र ‘मायाजबार’ बनाएपछि चलचित्रमा लगानि फेरी गर्छु भन्ने सोचेको थिईन । धेरै चलचित्र बनाएर पैसा फसेकाले चलचित्र बनाउछु भन्ने मान्छेलाई नै म भेट्न चाहन्न थिए । एउटा अपरिचित व्यात्तिको मोबाइल नम्वर मोबाइलमा आयो । अपरिचित फोनकललाई खासै वासै वास्ता गरिन । तर मलाई म्यासेज आयो ‘मैंले तपाईलाई चिनेको छु, म तपाईलाई भेट्न चाहन्छु’ भन्ने । त्यसपछि मैले फोन उठाए । मैले भेट्नको लागी समय दिए । भेट गर्ने स्थान मेरै अफिसमा थियो । कार्यालयमा भेट्न आएका ती व्यक्तिले मलाई फोन गरेर भने– ‘तपाईको अफिस माथि रहेछ । मलाई भेट्न तल आउनुस् ।’ आफ्नै अफिसमा आएर किन तल भेट्न बोलायो भनेर सोचीरहेको थिए । भेट्नको लागि ग्राउण्ड फ्लोअरमा झर्ने वित्तिकै ह्विलचियरमा रहेका प्रबिनलाई देख्ने बित्तिकै भावुक बने । उनले बनाएको चलचित्रको भनेपछि कथा मनपरेकाले पुन: चलचित्रमा लगानि गर्न तयार भएको हु ।’ चलचित्रका निर्देशक प्रविन श्रेष्ठकै जीवनमा आधारित कथा भएकालेपनि आफुले चलचित्रमा लगानि गरेको निर्माता तथा वितरक सुनिल मानन्धरले बताए ।१९९७ मा एक दुर्घटनामा परेपछि निर्देशक श्रेष्ठको दुबै खुट्टाले काम गर्न छोडेको थियो । कार्यक्रममै प्रमुख अतिथी डाक्टर बसन्त पन्तले निर्देशक प्रविनको पिडीत जिवनमा आधारीत चलचित्र बनेकालेपनि राम्रो हुने विस्वास व्याक्त गरे । संगसंगै अफुले सक्दो सहयोगपनि गर्ने डाक्टर पन्तले बताए । त्यस्तै कार्यक्रममै चलचित्रका कथा, सम्पादन र निर्देशक समेत रहेका प्रविनले चलचित्रलाई सुरुवातमा पहिला सानो वृत्तचित्र फिल्म बनाउन खोजेपनि कथा फिचर फिल्मको भएर लगानी गर्न नसकेपछि सुनिल मानन्धरलाई भेटेको बताए । चलचित्रमा लगानी भएअनुसार आफुले सक्दो चलचित्रलाई राम्रो बनाएको निर्देशक श्रेष्ठले बताए । चलचित्रमा आफुले समाज र सरकार राम्रो भए कुनैपनि व्याक्ति अशक्त हुन नसक्ने चित्रण गरिएको निर्देशक श्रेष्ठले बताए ।
माघ २४ गतेबाट प्रदर्शनमा आउने तयारीमा रहेको चलचित्र ‘मोक्ष’को गीत र प्रोमो सार्वजनिक कार्यक्रममा गायक समेत रहेका चलचित्रका अभिनेता कोशिशले केही गीतहरु गाएर सुनाएका थिए । चलचित्रमा आबद्ध कलाकारहरु कोशिश क्षेत्री, बेनिशा हमाल, विक्रम सिंह, दिपेश भण्डारी, मनिष गोदार लगायतको कार्यक्रममा उपस्थिती थियो । चलचित्र ‘मोक्ष’मा सञ्जिव सिंह, नबक्रन्ती समूह, धिलुङ राई, प्रविन श्रेष्ठको संगीत, रविन श्रेष्ठ, प्रताप सिंह, हरी हुमागाँईको छायांकन, प्रग्यान थापा र राजन कठेतको पटकथा चलचित्रमा रहेको छ ।

 add bisalchautari video