BEd prasad bhurtel nepali movie Sanjoog
विशाल चौतारी समाचार
काठमाडौ २०७१, कात्तिक २० बिहिबार । चलचित्र ‘सञ्जोग’ ले काठमाडौ, बागबजार स्थित सिटि म्याक्स हलमा हिजो एक औपचारीक कार्यक्रमको आयोजना गरी सिनेमाको ट्रेलर तथा गीत सार्वजनिक गरेका छन् ।
चलचित्रका मुख्य कलाकारहरु सबिन श्रेष्ठ र सुस्मा कार्की अनुपस्थित रहेको कार्यक्रममा चलचित्रका निर्देशक वेद प्रसाद भुर्तेलको निकै तारीफ भएको थियो । पछिल्लो समय लज्जा नामक सिनेमा डाइरेक्टरको रुपमा चर्चामा रहेका नवल नेपालले निर्देशक भुर्तेलको नाम जस्तै काम हेर्न चाहेको बताए । साथै उनले सिनेमा सफल्ताको समेत कामना गरे । त्यस्तै अर्का कलाकार प्रज्जवल गिरीले चलचित्रका बारे आफ्नो कुरा राख्दै सिनेमालाई यो स्थान सम्म ल्याउनका लागी धेरै कसरत गरेको बताए ।
त्यस्तै निर्देशक भुर्तेलले कार्यक्रममा बोल्दै सिनेमा राम्रो बनाउने प्रयास गरेको बताए । उमेश उप्रेती र रोशन उप्रेतीको संयुक्त लगानी रहेको चलचित्रमा पुष्कर भट्टको पनि अभिनय रहेको छ । अधिकांश दृश्य झापामा छायांकन गरिएको चलचित्रमा निर्देशक भुर्तेलकै पटकथा र संवाद, चन्द्र पन्तको दन्द्ध, गोविन्द राईको नृत्य र हरिनारायण चौधरीको छायांकन रहेको छ । सिनेमाको रिलिज मिति चाडै घोषणा हुने निर्माण पक्षले बताएको छ ।

[gss ids=”6220,6219,6218,6221″]