विशाल चौतारी समाचार
काठमाडौं, ११ माघ । इन्टरफेस नेपालद्धारा आयोजित ६० सेकेण्ड सर्ट फिल्म फेस्टिवलमा संजय चौलागाईद्धारा निर्देशित फिल्म नफकिर्एकाहरु विजेता बनेको छ । शुक्रवार थिएटर भिलेज लाजिम्पाटमा सम्पन्न फेस्टिवलमा विजेताको अवार्डसँगै उनले नगद २५ हजार पनि हात पार्न सफल भएका छन् ।
चलचित्र निर्देशक यादब खरेलको प्रमुख आतिथ्यमा सम्पन्न फेस्टिवलमा कुशल श्रेष्ठद्धारा निर्देशित कलर्स अफ लाईफ र शशांक रिजालद्धारा निर्देशित उडान क्रमश फस्र्ट रनर अप र सेकेण्ड रनर अप भए । उनीहरुले क्रमश १५ र १० हजार नगद प्राप्त गरे । त्यसैगरी जुरी अवार्ड निर्देशक रोविन दाहालको वान (इलभ) र पब्लिक चोइस अवार्ड निराजन भण्डारीको द लाष्ट कलले जितेको छ । उनीहरुले पनि अवार्डसँगै १० र १० हजार नगद जिते । यी पाँचै विजेताले सिम्रिक एअरलाईन्सका तर्फबाट माउन्टेन फ्लाईटमा जाने अवसर पनि पाएका छन् र थप एक प्रतिस्पधाको अवसर । पाँचै विजेता माउन्टेन फ्लाईटमा जाँदा सो (माउन्टेन फ्लाइट) सम्बन्धी २ मिनेटको फिल्म बनाउन सक्नेछन र उत्कृष्ठ फिल्मलाई पुन: ३५ हजार नगद पुरस्कार प्रदान गरिनेछ ।
इन्टरफेस नेपालका कार्यकारी निर्देशक दिलभूषण पाठकले युवाहरुलाई रचनात्मक काममा अग्रसर गराउन फेस्टिवल आयोजना गरेको बताउनु भयो । फेस्टिवल निर्देशक शिखा प्रसाईंले फेस्टिवल अब हरेक वर्ष आयोजना गर्ने प्रतिवद्धता व्यक्त गर्नुभयो । निर्णायक मण्डलमा चलचित्र निर्देशक यादब खरेल, अभिनेत्री निशा अधिकारी, चलचित्र समिक्षक यज्ञश, चलचित्र निर्देशकरकलाकार इलम दिक्षित र युवा अभियन्ता राजेन्द्र मुल्मी हुनुहुन्थ्यो ।