Rajesh Payal Rai New Timi hashda mero khusi timi sanga hunxa | nai nabhannu la–3 song recording 
विशाल चौतारी समाचार
काठमाडौं, २०७१, श्रावन, १८ आइतबार । सफल चलचित्र ‘नाई नभन्नु ल’को गीतहरु सुरुवातदेखी नै राम्रो रहदै आएको छ । यही सफल चलचित्र ‘नाई नभन्नु ल’को सिक्वेल ३ अर्थात ‘नाई नभन्नु ल–३’को गीतहरु रेकडिङ हुने क्रम जारी रहेको छ ।
यस्तै क्रममा गत आइतबार ‘नाई नभन्नु ल–३’को टाइटल गीत ‘तिमी हास्दा मेरो खुसी तिमीसंग हुन्छ’ रेकडिङ भएको छ । यस गीत रेकडिङको बारेमा कुराकानी गर्दै चलचित्रका निर्देशक विकाश आचार्यले गायक राजेश पायल राईलाई १ महिना कुर्न परेको बताए । एक महिनाको पर्खाइ अनुसार गीत राम्रो बनेको निर्देशक आचार्यले बताए ।

[gss ids=”4854,4853,4852″]

नेपाली आधुनिक तथा पाश्र्व गायनका नम्बर १ गायक राजेश पायल राईले गीत रेकडिङको समयमा कुराकानी गर्दै एउटा सफल सिनेमाको गीतका लागी १ महिना कुरेको सुन्दा आफुलाई सफल महशुस गरेको बताए । विशाल चौतारीसंगको कुराकानीमा गायक राईले गीत राम्रो बनाउने कौसिश गरेको र राम्रो नराम्रो छुट्याउने जिम्मा भने दर्शक श्रोताहरुको रहेको बताए ।
पछिल्लो समयका ब्लाक बस्टर संगीत निर्देशक बसन्त सापकोटापनि हर्सिद मुद्रामा थिए । चलचित्रको गीतहरु सिनेमा युनिटले मनपराएको र दर्शकहरु प्रतिकृयाको पर्खाइमा रहेको बताए । चलचित्र ‘नाई नभन्नु ल–३’को यो गीत संगीतकार स्वयम बसन्त सापकोटाले लेखेका हुन् ।