विशाल चौतारी समाचार
काठमाडौं, २१ माघ । साहित्यकार डायमण्ड शमशेर राणाको अमर कृति ‘सेतो बाघ’मा आधारित रहेर बरिष्ठ चलचित्रकर्मी तथा अभिनेता नीर शाहले चलचित्र निर्माण तथा मेगा सिरियल गर्ने बारे औपचारिक घोषणा गरेका छन् । श्रीपञ्चमीको अवसर पारेर मंगलबार चलचित्र निर्माण घोषणा पनि जंगबहादुरको एक मात्र बाकी रहेको अवशेष स्थल भनिएको थापाथली स्थित पाञ्चायन प्राङ्गणमा निर्देशक समाजका अध्यक्ष दिनेश डिसी, चलचित्र पत्रकार संघका अध्यछ विदुर गिरी र चलचित्र संघका महासचिव प्रदीप उदयले पर्दा अनावरण गर्दै फाल्गुनको पहिलो साताबाट सुटिङ शुर गर्ने औपचारीक जानकारी गराएका थिए ।
कार्यक्रममा बोल्दै अभिनेता तथा चलचित्रका निदेशक समेत रहेका निर शाले २ घण्टा ३० मिनेटको चलचित्र र ९१ भागको मेगा सिरियल सुटिङ एकसाथ गरिने जानकारी दिए । शाहले भने ‘सिरियललाई उपन्यासको फोटोकपीको रपमा नै प्रस्तुत हुनेछ । चलचित्र तर्फ जंगबहादुर राणाको अन्तिम ३० दिनको कथालाई पर्दामा उतारीने छ ।’ चलचित्रको बजेटलाई ध्यानमा राख्दै एउटै सेटमा दुई प्रोजेक्ट लन्च गरेको शाहले बताए । सिरियल सहितको यस प्रोजेक्टमा ५७ जना  कलाकारहरु अभिनयका लागी फाईनल भइसकेका छन् । जसमा प्राय सबै नयाँ कलाकारहरु रहेका छन् । यस चलचित्रमा नेपाल चलचित्र बिकास बोर्डका अध्यक्ष धर्मेन्द मोरवैता (पप्पु)ले पनि एक महत्वपूर्ण भूमिकालाई अतिथि कलाकारको रुपमा निभाउने निर शाहले बताए । यस्तै चलचित्रमा प्रेमेन्द राणा, चलचित्रकी प्रोड्यूसर मध्येकी एक मन्जेश्री राणाले पनि अतिथि कलाकारको भूमिका निर्भाह गर्ने बताइएको छ । करिब ४० देखी ५० दिन लगाएर सुटिङ सक्ने लक्ष राखिएको बताउदै चलचित्रका निर्देशक निर शाले भने–‘चलचित्रको लगानी करिव १ करोड हाराहारीमा रहेको छ । यो बजेट सेट, कस्ट्युम लगायतले निकै रकम उठ्ने भएकालेपनि सुटिङ जति सक्दो छिटो गर्नेछौ । ’

कार्यक्रममा डायमण्ड शमशेराका छोराले आफ्नो पिताको कृति भन्दा पनि एतिहासिक कृतिमाथि फिल्म बन्न लाग्दा आफु अत्यन्त हर्षित भएको बताए । चर्चित संगीतकार शम्भूजीत बाँस्कोटाको संगीत रहने यस प्रोजेक्ट चितवन, मकवानपुर र काठमाण्डू उपत्यकाका विभिन्न एतिहासिक स्थलमा फाल्गुन पहिलो हप्ता देखि सिरियल र चलचित्रको सुटिङ सुरु गरिने बताईएको छ  । यो प्रोजेक्टलाई सञ्जय लामाले खिच्नेछन् भने कला निर्देशन निर्जल श्रेष्ठ र डेस डिजाईनको महत्वपूर्ण विद्यालाई नीरा राणाले गर्ने भएकी छिन् ।
अडिसन मार्फत फाईन गरिएका ५७ जना कलाकारहरुको नामावली यस प्रकार छ :
अन्जना कट्टेल, प्रियंका आचार्य, प्रमिला थापा, विनिशा सुवेदी, रेनु गौतम, सीता न्यौपाने, संस्कृति कार्की, आस्था बजगाई, सुनिता सापकोटा, लक्ष्मी मगर, यशोदा खनाल सुधा, नीलम ढुङगेल, अनिता दंगाल, सन्ध्या बराल, मञ्जरी घिमिरे, भीमादेवी खतिवडा, मूना कार्की, अस्मिता आचार्य, रिता कट्टेल, गोमा भुजेल, पुजन थापा, विनिता श्रेष्ठ, डि.वी. बस्नेत, गजेन्द घले, राजु राउत, पर्वत राज झा, भीम कार्की, देव प्रसाद श्रेष्ठ, दीपक आचार्य, सुनील जंग रायमाझी, रवि रोहण दाश, अबिरल अधिकारी, रविन ढकाल, खिलनाथ अधिकारी, शंकर खतिवडा, रामप्रसाद न्यौपाने, भरत गुरागाई, देवेन्द कुमार निरौला, विवश राई, प्रकाश चन्द ठाकुर, मदन कामत, विकास रिजाल, सुनील बास्तोला, निर्जन वाग्ले, सवाज पाण्डे, रविन बि.क, मनिष भण्डारी, लछमण पुण्य लामिछाने, जीवन कुईकेल, राम भजन कामत, प्रयाग न्यौपाने, मन्तोष यादव, राम राजवंशी, रविन चिमौरिया, सन्तोष गौतम, ओम प्रकाश निरौला ।