Bisal Chautari Logo

चलचित्र ‘बाटोः रोड टु डेथ’को ट्रेलर सार्वजनिक

- १५ जेष्ठ २०८१, मंगलवार १७:५८ मा प्रकाशित


बिशाल चौतारी समाचार
काठमाडौं, २०८१ जेष्ठ १५ मंगलवार ।
नेपाली, अङ्ग्रेजी, तमिल र हिन्दी भाषामा निर्माण भएको चलचित्र ‘बाटोः रोड टु डेथ’को ट्रेलर सार्वजनिक भएको छ । काठमाडौं फिल्मस्को व्यानरमा निर्माण भएको चलचित्रमा मदन थापाको लेखन र निर्देशन छ ।

२ मिनेट ३४ सेकेण्डको ट्रेलर थ्रिलर शैलीको छ । ट्रेलरमा जंगलमा रहेको बाटोमा गाडीबाट यात्रा गरिरहेका फरक फरक पृष्ठभूमिका पात्रहरुले व्यहोरेको समस्यालाई देखाइएको छ । एम्बुलेन्समा सवार भइरहेकी नर्सले अस्पतालको सामाग्री हातमा बोक्नै सहयोगको याचना गरिरहेको दृश्य देखाइएको छ ।

यसबाहेक ट्रेलरमा जंगलमा बसेर हिंस्रक गतिविधि गर्ने एक समूहले मानिसलाई कतिसम्म त्रसित र दुःख दिएको छ भन्ने दृश्य देखाइएको छ ।

यही जेठ ३२ गते प्रदर्शनमा आउने चलचित्रलाई सेन्सर बोर्डले चलचित्रको विषयवस्तु अनुसार १६ वर्ष उमेरभन्दा माथिका दर्शकले मात्र हेर्ने गरी सर्टिफिकेट दिएको छ ।

भारतको चेन्नइँमा प्राविधिक कार्य भएको चलचित्रमा मिथिला शर्मा, आशान्त शर्मा, सुलक्षण भारती, रक्षा थापा, उत्पल झा, विजय आनन्द ताम्राकार, राजेन थापा, आभाष अधिकारी, गणेश उपाध्याय, किरन शाहीलगायतको अभिनय छ ।

चन्दन झा निर्माता रहेको चलचित्रमा शरण ऋषिको छायांकन, एनबी महर्जनको द्वन्द्व छ । चलचित्रको लाइन प्रोड्युसर प्रकाश हमाल हुन् । डब्बी एटमस साउण्डमा तयार पारिएको चलचित्र काठमाडौं र गाईघाटमा छायांकन गरिएको छ ।

प्रतिक्रिया