The protest between the protesters and the police
विशाल चौतारी समाचार
डोटी, २०७४ माघ ४ बिहिबार । डोटीमा आन्दोलनकारी र प्रहरीबीच झडप भएको छ । सरकारले प्रदेश नं ७ को अस्थायी मुकाम धनगढीलाई तोकेको भन्दै सुरु भएको आन्दोलनको क्रममा आन्दोलनकारी र प्रहरीबीच झडप भएको हो ।

स्थितिलाई नियन्त्रणमा लिन प्रहरीले ५ सेल अश्रुग्यास समेत प्रहार गरेको छ । क्षेत्रीय प्रशासन कार्यालय राजपुर अगाडि प्रधानमन्त्री शेरबहादुर देउवाको पुत्ला जलाउने क्रममा दोहोरो झडप भएको हो । प्रदशर्नकारीले देउवाको जलिरहेको पुत्ला क्षेत्रीय प्रशासन कार्यालयभित्र फालेपछि प्रहरीले प्रदर्शनकारीहरु माथि लाठी चार्ज गरेको थियो ।
प्रहरीले प्रदर्शनकारीहरुले क्षेत्रीय प्रशासन कार्यालयमा ढुङ्गामुढा गर्दै आगो लगाउन खोजेपछि स्थिति नियन्त्रणमा लिन सामान्य बल प्रयोग गरेको बताएको छ ।
जिल्ला प्रहरी कार्यालय डोटीका प्रहरी उपरीक्षक मधुसुदन लुइँटेलले भने, ‘ढुङ्गामुढा भएपछि भिड तितरबितर गर्नका लागि सामान्य बल प्रयोग गरिएको हो ।’