7 years later, the murderer of grandparents and grandmother
विशाल चैतारी समाचार
कामाडौँ, २०७४ माघ ०१ सोमबार  । सात वर्षअघि दाङमा आफ्नै हजुरबुबा र हजुरआमाको हत्या गर्ने व्यक्तिलाई प्रहरीको केन्द्रीय अनुसन्धान ब्यूरो सीआइबीले पक्राउ गरी सार्वजानिक गरेको छ । पक्राउ पर्नेमा बाँकेको कोहलपुरका नरेशकुमार कुमाल चौधरी छन् ।
चौधरीले २३ जेठ ०६७ मा दाङको साबिक परस्पुर गाविस–५ बस्ने हजुरबुबा ५५ वर्षीय मणिराम कुमाल चौधरी र ५० वर्षीय हजुरआमा आशुकुमाल चौधरीलाई धारिलो हतियार प्रहार गरी हत्या गरेका थिए ।
सीआइबीका प्रवक्ता प्रहरी उपरीक्षक जीवन श्रेष्ठका अनुसार उनलाई सीआइबीको टोलीले उनलाई सोमबार बाँकेको कोहलपुर–११, न्यूरोडबाट पक्राउ गरेको हो ।
पक्राउ परेका चौधरीले घटना लगत्तै भागेर भारततिर बसेको बयान दिएको छन् । उनी माघे सङ्क्रान्तिको वेला घर आएको वेला सीआईबीले पक्राउ गरेको हो ।
पक्राउ परेका चौधरीमाथि थप कारबाहीका लागि इलाका प्रहरी कार्यालय, गढवा बुझाइएको प्रहरीले जनाएको छ ।