Anmol Kc movie KRI Song 2018 Yeti Yeti Pani
विशाल चौतारी समाचार
काठमाडौँ ,२०७४ पुस १६ आइतबार । वर्ष ०७४ को सबैभन्दा बढी प्रतिक्षित चलचित्र ‘कृ’को ट्रेलरले युटुब र सामाजिक संजालमा हंगामा मच्चायो । नायक अनमोल केसीको बदलिएको गेटअपले दर्शकलाई अचम्मित मात्र बनाएन, चलचित्रलाई नै प्रतिक्षित बनाइदियो । युटुबमा करिब एक साता नम्बर १ ट्रेन्डिङमा रहेको चलचित्रको ट्रेलरलाई अधिकांश दर्शकले रुचाएका छन् ।
ट्रेलरले युटुबमा हंगामा मच्चाएको करिब ३ सातापछि यसको निर्माणपक्षले चलचित्रको पहिलो गीत सार्वजनिक गरेको छ । ‘यति यति पानी गंगै रानी’ बोलको क्लब गीत, अंग्रेजी नयाँ बर्षको अवसर पारेर रिलिज गरिएको हो ।
नयाँ बर्षमा यो गीत डान्स क्लब, डिस्कोमा घन्किने विश्वास निर्माणपक्षको छ । अल्मोडा राना उप्रेती र मिस्टर आरजेको स्वर रहेको गीतमा मिस्टर आर जे कै शब्द तथा संगीत छ ।
गीतको भिडियोलाई रेनशा वान्तवा राइले कोरियोग्राफी गरेकी हुन् भने पुरुषोत्तम प्रधानले खिचेका हुन् । चलचित्रका मुख्य नायक अनमोल केसीलाई यो क्लब गीतमा फिचरिङ गरिएको छ । अनमोलले यो गीतका लागि निकै मिहिनेत गरेको उनको नृत्य शैलीले पनि प्रष्ट पार्छ । काठमाण्डौको डेजा भू र राजु पेन्टरले निर्माण गरेको भव्य सेटमा खिचिएको गीतको भिडियो निर्माणमा निकै मिहिनेत गरिएको देखिन्छ ।
चकलेटी अनुहारका कारण चर्चामा रहेका अनमोलले आफ्नो एक्सन र अभिनय क्षमता चलचित्रको ट्रेलरमा देखाइसकेका छन् । अब, यो गीतसँगै उनको नृत्य क्षमता पनि देखिएको छ ।
सुवास इन्टरटेन्मेन्टको ब्यानरमा निर्माण भएको चलचित्रलाई द सुपर काजोल फिल्मस्ले प्रस्तुत गरेको हो । चलचित्रमा सुवास गिरी र भूवन केसीको लगानी छ ।
सुरेन्द्र पौडेलले यो चलचित्रको निर्देशन गरेका हुन् । ट्रेलरले सकारात्मक प्रतिक्रियाले हौसिएका सुरेन्द्र गीतबाट पनि आशावादी देखिएका छन् ।
कमल गिरी कार्यकारी निर्माता रहेको चलचित्रका सह–निर्माता श्री पराजुली हुन् । चलचित्रमा अनमोल केसी, अदिती वुढाथोकी, अनुप विक्रम शाही, कामेश्वर चौरासिया, सरोज खनाल, लक्ष्मी गिरी, रुपा राना लगायतका कलाकारको मुख्य भूमिका छ । माघ २६ गतेबाट यो चलचित्र देशभरका हलमा रिलिज हुनेछ ।

Yeti Yeti Pani – New Nepali Movie KRI Song 2018 | Ft. Anmol Kc, Aditi Budhathoki, Anoop Bikram Shahi

SONG Yeti Yeti Pani
VOCAL Almoda Rana Upreti & Mr. RJ
LYRICS/MUSIC Rajendra Bhatt (Mr. Rj)
ARRANGER Almoda Rana Upreti
SONG MIXING Ujwal Shreyan Mahat
RECORDIST Ranjeet Ballav Upreti
STUDIO Kripa Drishya Studio

CAST Anmol Kc, Anoop Bikram Shahi, Aditi Budhathoki
Kameshwor Chaurasiya/Saroj Khanal/Laxmi Giri/ Rupa Rana/Sudam/
Amit Giri/ Tika Bhakta Jirel/Arjesh Regmi