The number of the deceased reached the bus in the bus accident
विशाल चौतारी समाचार
काठमाडौँ, २०७४ भाद्र २४ शनिबार । नुवाकोटमा बस दुर्घटनामा मृत्यु हुनेको संख्या ६ पुगे, २८ जना घाइते भएका छन् । उनीहरुलाई काठमाडौं ल्याइएको छ ।
काठमाडौंबाट नुवाकोटको खरानीटार बा १ ख ६३४८ नम्बरको बस शिवपुरी गाउँपालिका ७ मा पर्ने थानाभञ्याङमा दुर्घटना भएको हो ।
                                                                                                                                 फाइल फोटो

दुर्घटनामा ३ जनाको घटनास्थलमै मृत्यु भएको छ भने २ जनाको काठमाडौं ल्याउँदै गर्दा बाटैमा मृत्यु भएको छ । एकको भने उपचारका क्रममा निधन भएको छ ।
जिल्ला प्रहरी कार्यालय नुवाकोटका अनुसार मृतक मध्ये एक जनाको सनाखत भएको छ । मृत्यु हुनेमा नुवाकोट रालुकाकी २२ वर्षीया सविता तामाङ रहेकी छन् ।
घाइते मध्ये ८ जनाको ग्राण्डी अस्पतालमा उपचार भइरहेको छ । उनीहरु मध्ये नविन श्रेष्ठ र सरस्वती गिरीको आईसीयूमा र अन्यको हाई केयर युनिटमा उपचार भइरहेको छ ।
अन्य घाइतेको ग्रिन सिटी अस्पतालमा उपचार भइरहेको छ । उनीहरू मध्ये ३ जनाको अवस्था गम्भीर छ ।