Padam Rai new song Timle Chhadi Gaye Pani cover song competition
विशाल चौतारी समाचार
काठमाडौ, २०७४ श्रावण २१ शनिबार । युवामाझ पछिल्लो समय उदाउदै गरेका गायक पदम राईको ‘फुल टिपे काडा बनको’बोलको गीत कभर प्रतियोगितामा १५० भन्दा बढी प्रतियोगीहरुले सहभागी जनाएका छन् ।
साङ्गीतिक भेटघाट चौतारी सामाजिक संजाल फेसबुक ग्रुपको पहिलो अभियान तथा रुबुशा क्रियटिभ वर्कको आयोजनामा भइरहेको ‘अनलाइन सिङगिङ कम्पिटिसन साङ्गीतिक भेटघाट चौतारी आइडल–२०७४’मा छनौट भएका १५० गीतहरुलाई छनौट भइरहेको छ । १५० बाट २० प्रतिस्पर्धिहरु छानिनेछन् । त्यसपछि २० प्रतिस्पर्धिहरुले गायक पदम राईकै दोस्रो गीत ‘तिमिलाई देखेपछी’ बोलको गीतबाट बिजेताहरु छानिनेछन् । यस गीतको निर्णायकहरुमा गायक तथा संगीतकार बिनोद खम्बु र नेपाल आइडल विजेता, गायक बिक्रम राई रहेका छन् ।
‘अनलाइन सिङगिङ कम्पिटिसन साङ्गीतिक भेटघाट चौतारी आइडल–२०७४’मा प्रथम हुनेलाई ५० हजार नगद पुरस्कार राखिएको छ । त्यस्तै दोस्रो हुनेलाई ३० हजार, तेस्रो हुनेलाई २० हजार उपलब्ध गराइने साङ्गीतिक भेटघाट चौतारी सामाजिक संजाल फेसबुक ग्रुपले बताए । विजताहरुको घोषण कार्यक्रम असोज पहिलो हप्ता हुनेछ ।
यस प्रतियोगिताको प्रायोजकहरुमा मनकुमार सामपाङ राई(मलेसिया), राज मादिहाङ(दुबइ), बाबु राई(मलेसिया), सन्जु लिम्बु, पुर्ण खालिङ राई, लब्ली सुजु साम्पाङ राई, गंगा राई, बिष्णु पोल्माछा चाम्लिङ(मलेसिया) लगायत रहेका छन् ।
‘फुल टिपे काडा बनको’बोलको गीत विनोद खम्बुको शब्द संगीत रहेको छ भने दोस्रो गीत ‘तिमिलाई देखेपछी’को शब्द निर्मला बिक, संगीत विनोदकै रहेको छ ।