काठमाडौं, २०७१ बैशाख, २९ सोमबार । निर्देशनमा राम्रा मानिएका निर्देशक सुदर्शन थापा अभिनित चलचित्र ‘अझै पनि’ पछिल्लो समय सुटिङमा ब्यास्त रहेका छ । गाउले स्वादमा निर्माण भईरहेको चलचित्र ‘अझै पनि’को सुटिङ तस्बिरहरु बाहिरिएको छ । 

आलोक नेम्वाङ निर्देशनमा यस चलचित्रको सुटिङ विगत १५ दिन देखि काठमाण्डू धर्मस्थली गाविसमा भईरहेको छ । चलचित्र निर्देशकको रुपमा परिचय बनाएर चर्चा बटुलिसकेका सुदर्शन थापा चलचित्र ‘अझै पनि’का मुख्य अभिनेताका रुपमा खेलेका छन् । थापाको कम्पनी सुदर्शन थापा प्रोडक्सनले चलचित्र ‘अझै पनि’लाई कष्ट्यूम डिजाईनर पुनम गौतमसंगको सहकार्यमा निर्माण गरेको हो ।   

सुदर्शन बाहेक समानान्तर भूमिकामा पुष्प खड्का, विशाल ढुंगाना छन् भने  हिरोइन तर्फ पुजा शर्मा, सुरछा पन्त, प्रमिला खनाल र विपना धिमाल छिन् । ‘करिब १५ सिन र एक गीत हामीले खिचिसकेका छौ, अनि अर्को कुरा मलाई विगतका चलचित्रहरु भन्दा चलचित्र ‘अझै पनि’ निर्देशन गर्न निकै सहज भइरहेको पनि छ’,  निर्देशक नेम्वाङले बताएका छन् । यो चलचित्रमा आलोकको भिनाजु समेत पर्ने अभिनेता बिजय लामा पनि मुख्य भूमिकामा छन् । लामा सहित मिथिला शर्मा र रामशरण पाठकलाई पनि यस चलचित्रमा देख्न सकिन्छ । चलचित्र ‘अझै पनि’लाई राजेश श्रेष्ठले खिचेका हुन् ।