Aaryan Adhikari and Mariska Pokharel Movie KE MA TIMRO HOINA RA
विशाल चौतारी समाचार
काठमाडौ, २०७२ चैत २१ आइतबार । वर्ष ०७३ को अत्याधिक आसामा रहेको चलचित्र ‘के म तिम्रो होइन र’को ट्रेलर सार्वजनिक भएको छ । सार्वजनिक ट्रेलरमा नव अभिनेता आर्यन अभिकारीको एक्सन र नव अभिनेत्री मरिष्का पोखरेलसंगको रोमान्सले भरिपुर्ण ‘के म तिम्रो होइन र’ को ट्रेलर धेरै राम्रो बनेको छ ।
चलचित्र ‘के म तिम्रो होइन र’को ट्रेलर र २ गीत पत्रकारमाझ सार्वजनिक गरिएको छ । काठमाण्डौमा पत्रकार सम्मेलनको आयोजना गर्दै चलचित्रको एक्सनले भरिएको ट्रेलर र रोमान्टिक गीत सार्वजनिक गरिएको हो । सार्वजनिक ट्रेलरमा निर्देशक आकाश अधिकारीले रोमान्स, प्रेम र एक्सनलाई स्थान दिएका छन् । साहिल खानले यो चलचित्रको ट्रेलर तयार पारेका हुन्, भने ट्रेलर सार्वजनिक भएसंगै नव अभिनेता आर्यनको चर्चा पनि चुलिएको छ । ट्रेलरमा आर्यनलाई एक्सन अवतार देख्न सकिन्छ ।
अधिकारी ब्रदर्स पिक्चर्स प्रालिको प्रस्तुती र द स्काई मुभिजको सहकार्यमा तयार भएको यो चलचित्रमा कथा तथा निर्देशन आकाश अधिकारीको छ । चलचित्रबाट आर्यन अधिकारी र मरिष्का पोख्रेलले रजतपटमा डेब्यू गर्दैछन् । यी दुइको कामबाट निर्देशक आकाश अधिकारी ढुक्क र खुशी देखिए । ट्रेलर हेरेपछि नायक आर्यन अधिकारीको एक्सनको उपस्थित पत्रकार, कलाकारले खुलेरै तारिफ गरे । आर्यनको चलचित्र क्षेत्रमा राम्रो भविष्य देखिएको उपस्थित पत्रकार र चलचित्रकर्मीले बताएका थिए ।
कार्यक्रममा चलचित्रको अडियो एल्बम पनि बिमोचन गरिएको थियो । बसन्त सापकोटा र ताराप्रकाश लिम्बुको संगीत रहेको चलचित्रका गीतमा डाक्टर कृष्णहरी बराल, सुन्दर श्रेष्ठ र आकाश अधिकारीको शब्द छ । चलचित्रमा उदितनारायण झा, अन्जु पन्त, राजेशपायल राई, प्रल्हाद तिमिल्सिना, मिलन अमात्य र दुर्गा दाहालको आवाज छ ।
सुरेश अधिकारीको लगानी रहेको यो चलचित्रमा गौरी मल्ल, मिथिला शर्मा, प्रज्वल सुजल गिरी, सुरेन बस्यााल, सविना गोपाली, आकाशबाबु खवास, रमेश अधिकारी, बिनोद केसीको पनि अभिनय छ । चलचित्रमा पटकथा तथा संवाद यम थापाको छ भने नवराजकृष्ण थापाले चलचित्र खिचेका हुन् ।
हिमाल केसीको एक्सन, बसन्त श्रेष्ठ र रेनशा वान्तवा राईको कोरियोग्राफी, दिनेश गैडा र राजु पेन्टरको कला, अर्जुन जिसी र भूपेन्द्र अधिकारीको सम्पादन छ । चलचित्रमा प्रोडक्शन डिजाइनर सुरज आचार्य, प्रोडक्शन म्यानेजर दीलिप पन्त, पोस्टर डिजाइन सान थापा र विजय बस्यालको छ । यो चलचित्र वैशाख ३१ गतेबाट प्रदर्शनमा आउादैछ ।
कार्यक्रममा बोल्दै निर्देशक आकाश अधिकारीले आफ्नो प्रतिस्पर्धा आफ्नै चलचित्रसाग भएको बताए । उनले चलचित्रको टाइटल दिएकोमा गीतकार डाक्टर कृष्णहरी बराललाई धन्यवाद पनि दिए । यस्तै, नव–नायक आर्यन अधिकारीले चलचित्रमा आफूले सक्दो मिहिनेत गरेको भन्र्द दर्शकले रुचाउने विश्वास व्यक्त गरे । नव–नायिका मरिष्का पोख्रेलले पनि आफ्नै संझेर चलचित्रमा काम गरेको बताए । निर्माता सुरेश अधिकारीले राम्रो चलचित्र मेकिङ गर्न आफू निर्माणमा होमिएको बताए ।
कार्यक्रममा चलचित्र विकास बोर्डका अध्यक्ष राजकुमा राई, चलचित्र पत्रकार संघका अध्यक्ष शान्तिप्रिय, नायिका स्वेता खड्का लगायतले शुभकामना दिएका थिए ।
Adhikari Brothers Pictures Presents!
A Film by Akash Adhikari
New Nepali Movie: KE MA TIMRO HAINARA
Releasing On Baishak 31, May 13
Starring: Aaryan Adhikari, Mariska Pokharel
Music: Basanta Sapkota, Tara Prakash Limbu
Lyrics: Krishna haru Baral, Akash Adhikari, Sunder Shrestha
Background Score: Alish Karki
Choreographers: Basanta Shrestha, Renesha Bantawa Rai
Action: Himal KC
Production Designer: Suraj Acharya
Screen Play Dialogue: Yam Thapa
Distribution: Gopal Kyastha, Gobind Shahi & FD Company
Co-Producers: Sanjaya Bhatta, Sunil Adhikari
Editor: Arjun KC, Bhupendra Adhikari
DOP: Nawaraj Krishna Thapa
Producer: Suresh Adhikari
Director: Akash Adhikari
प्रतिक्रिया