purano dhunga dayahang rai and priyanka karki movie
विशाल चौतारी समाचार
तस्बिर : विशाल राई
काठमाडौ, २०७२ माघ २५ सोमबार । अभिनेता दयाहाङ राई र अभिनेत्री प्रियंका कार्कीलाई जोडी बनाएर चलचित्र ‘कबड्डी र कबड्डी कबड्डी’ बनाएर चर्चा कमाएका निर्देशक रामबाबु गुरुङको ‘पुरानो डुङ्गा’ निर्माण हुने घोषणा गरिएको छ । काठमाण्डौमा आज पत्रकार सम्मेलनको आयोजना गर्दै यो चलचित्रको घोषणा गरिएको छ ।
चलचित्र ‘पुरानो डुङ्गा’ तालको किनारमा डुंगा चलाएर आफ्नो परिवारको जीवोकोपार्जन गरिरहेको भक्त बहादुर भुजेलको भाई बतास बहादुर भुजेलले अंशमा डुंगा लगिदिएपछि उसको परिवारमा आउने समस्याको वरिपरी यो चलचित्र घुम्नेछ बताइएको छ । चलचित्रमा दयाहाङ राई, प्रियंका कार्की, माओत्से गुरुङ, मेनुका प्रधान, वुद्धि तामाङ, पुष्कर गुरुङ, धन बहादुर गुरुङ, सजन थापा, नौजङ गुरुङ, विश्वास गुरुङ र पूर्णिमा गुरुङको मुख्य भूमिका रहनेछ ।
रौनक विक्रम काडेल, ओम चन्द्र रौनियार, धन बहादुर गुरुङ निर्माता रहेको चलचित्रमा बाल्मिकी पोख्रेल र अर्जुन कार्की कार्यकारी निर्माता छन् । राम बाबु गुरुङ र उपेन्द्र सुब्बाको लेखन रहेको चलचित्रमा माओत्से गुरुङको कथा छ । कार्यक्रममा बोल्दै अभिनेत्री प्रियंका कार्कीले एउटा राम्रो भएकै कारण यो चलचित्रमा काम गरेको बताउदै, यस टिमसँग जोडिन पाउनु आफ्ना लागि सबैभन्दा खुशीको क्षण भएको बताइन् । चलचित्रका मुख्य अभिनेता दयाहाङ राई भने अस्वास्थ्यका कारण कार्यक्रममा उपस्थित भएनन् ।
कार्यक्रममा चलचित्र विकास बोर्डका अध्यक्ष राजकुमार राइले चलचित्रलाई सफलताको शुभकामना दिदै, एउटा राम्रो टिमले बनाएको चलचित्रले अवश्यपनि चलचित्र विकाशमा टेवा पुर्‍याउने आसा व्याक्त गरे ।
चाडै नै छायांकनमा जाने यो चलचित्रलाई नेपाली परिवेश अनुसार बनाउने निर्देशक राम बाबुले बताए । अभिनेता दयाहाङ राई र अभिनेत्री प्रियंका कार्कीको जोडी पछिल्लो समय पर्दामा निकै दर्शकहरुले रुचाइरहेका छन् ।