Pramila Khanal model & actress
विशाल चौतारी समाचार
काठमाडौ, २०७२ पौष १२ आइतबार । प्रमिला खनाल नेपाली चलचित्र क्षेत्रका लागी एक उदाउँदो नाम हो । उनी ७ वर्ष अगाडी स्कलुलमा अध्ययन गर्दाखेरी म्युजिक भिडियोमा काम गरेर आफ्नो मोड्लिङ करियर सुरु गरेकी थिइन् । ७ वर्ष अगाडी हास्य अभिनेता तथा निर्देशक निर्मल शर्माले गायिका सुस्मिता कार्कीको उडु उडु लाग्यो बोलको गीतको म्युजिक भिडियोबाट डेब्यु गराएका थिए । साथै उनलाई मोड्लिङ क्षेत्रमा आउनका लागी छमछमी सिजन २ को टप १४ सम्मको यात्रापनि मुख्य पक्ष थियो ।
तर अध्ययन र पारिवारिक कामले मोडल प्रमिलाले आफ्नो करियर पुन ३ वर्ष अगाडीदेखी निरन्तरता दिएकी छिन् । ३ वर्ष यता सकृय रहेकी मोडल प्रमिला स्व. निर्देशक आलोक नेम्बाङद्धरा निर्देशित चलचित्र ‘अझै पनि’बाट अभिनेत्री बनेकी छिन् । त्यसपछी केही समय अगाडी रिलिज भएको चलचित्र ‘वडा नम्बर ६’ मापनि अभिनेत्री प्रमिलाले सानो रोलमा काम गरेकी थिइन् । अभिनेत्री प्रमिलाले विशाल चौतारीसंग कुराकानी गर्दै डान्समा बच्चैदेखीको सोख रहेको बताउछिन् । भन्छिन्, तर स्टेजमा काम गरिरहदा चलचित्रको पर्दामा चाही आलोक जि ले अफर गरेपछी काम गर्ने सोख भएकाले काम गर्न थालेकी हु ।’
एक दर्जन भन्दा बढी म्युजिक भिडियोमा काम गरिसकेकी अभिनेत्री प्रमिलाले भर्खरै पुर्णेन्द्र झाको ‘संरक्षण’का लागी साइन गरेकी छिन् । उता स्टेज कार्यक्रमहरुपनि गरिहेकी छिन् । यी सबै कामहरु एकैसाथ अगाडी बढाउने अभिनेत्री प्रमिलाको सोच रहेको छ ।
अभिनेत्री प्रमिलालाई चलचित्रमा चाही बोल्ड अभिनयमा बढी म्याच गर्ने साथीहरुले बताएपनि उनलाई चाही रुवाउने सेन्टिमेन्टल किसिमको काम गर्ने सोख रहेको बताउछिन् । प्रमिला भन्छिन्, ‘मलाई हिरोइन बन्छु भन्ने सोच छैन, एउटा राम्रो कलाकार बन्छु भन्ने सोच छ ।’