Dayahang Rai Anup Bikram Shahi and Arpan Thapa One of become Bir Bikram
विशाल चौतारी समाचार
काठमाडौ, २०७२ साउन २९ शुक्रबार । नेपाली चलचित्र क्षेत्रमा छुट्टै पहिचान बनाउन सफल निर्देशक मिलन चाम्सले निर्देशन गर्ने रोमान्टिक र सोसल ड्रामा चलचित्र ‘वीर विक्रम’ भदौ १ गतेदेखि छायांकन हुने भएको छ । निर्माण कम्पनी चाम्स इन्टरटेनमेन्टले शुक्रबार राजधानीको मण्डला थिएटरमा गरिएको प्रेसमिटमा यसबारे जानकारी दिएको हो ।

२०७३ बैशाखमा नेपाल र अप्रिल ९ मा बेलायतमा सिनेमा रिलिज हुने घोषणा समेत गरियो । मिलन चाम्सले निर्माण र निर्देशन गर्ने चलचित्रमा दयाहाङ राई, अर्पण थापा, अनुपविक्रम शाही, दीया पुन, विवेक लिम्बु, बसन्त भट्ट र शिशिर राणाको अभिनय हुनेछ ।
प्रेसमिट समारोहमा बोल्दै निर्देशक चाम्सले भने, ‘चलचित्रलाई हामी अन्तराष्ट्रिय लेभलमा बनाउछौं र दर्शकले विशुद्ध नेपाली कथामा फिल्म हेर्न पाउनुहुनेछ ।’ थप्दै भने, चलचित्र चलचित्रजस्तो हुनुपर्छ भन्ने मान्यतालाई पनि जोड दिए । निर्माता समेत रहेका चाम्सले भने, ‘यो नेपाली फिल्मका लागि कोशेढुंगा हुनेछ ।

कलाकार सबैले आफ्नो पात्रबारे बोले । एक्सन, कमेडी र ड्रामा जानराको सिनेमामा अनिल राई, पृथ्वीराज राई, शिवप्रसाद राई र भेनिसरा राई सह निर्माता छन् । याम थापाको पटकथा र रामकुमार केसीको क्यामेरा छ । जिरी, रामेछाप र काठमाडौंमा फिल्मांकन हुने प्रोजेक्टपछि मिलन निकेश लिम्बुले निर्माण गर्ने नयाा फिल्ममा व्यस्त हुने भएका छन् । मोडल समेत रहेकी दीया चलचित्रकी मुख्य पात्र हुन् । लन्डनमा बसोबास गर्ने दीया नेपाल आउदैछिन् ।

सबै फोटो फिचरमा हेर्नुहोस्

dayahang rai