London rato ghar Grand primriyara suraj subba nalbo and Nikesh Limbu Congratulations
विशाल चौतारी समाचार
लन्डन, २०७२ साउन १३ बुधबार । पछिल्लो समय नेपाली चलचित्रहरु विश्वब्यापि हुदैछ । यस्तै क्रममा हलिउड चलचित्रको प्रिमियर हुने लन्डनमा गत शनिबार नेपाली सिनेमा ‘रातो घर’को भब्य रेडकार्पेट प्रिमियर गरिएको छ ।

लन्डन अल्डरसटको प्रिन्सेस हलमा सोसल ड्रामा सिनेमा ‘रातो घर’ले पहिलो अन्तराष्ट्रिय यात्राको सुरुवात पनि गर्‍यो । सिनेमा हेरीसकेपछी सम्पुर्ण दर्शकहरुले सिनेमा राम्रो बनेको भन्दै निर्देशक सुरज सुब्बा नाल्बो र सिनेमका प्रस्तुतकर्ता निकेश लिम्बुलाई बधाइ दिए ।
प्रिमियर शोमा प्रस्तुतकर्ता निकेश लिम्बु, निर्देशक सुरज सुब्बा नाल्बो, ‘हँसिया’ निर्देशक मिलन चाम्स, गायक योगेश्वर अमात्य, दीपक थापा, ओमविक्रम विष्ट आकर्षणका विन्दु बने । माङहिम फिल्मस र तक्मे प्रोडक्सनले निर्माण गरेको सिनेमाले पूर्वी नेपालको एक सामाजिक कथा पेश गर्छ । लन्डनपछि नेपालको रिलिज मिति सार्वजनिक गर्ने सिनेमाले अन्य मुलुकमा पनि यात्रा थाल्नेछ ।

दीपक गुरुङ पेटमेन, शिल्पा मास्के र लक्ष्मी राई लाराले संचालन गर्ने प्रिमियर समारोहमा रंगकर्मी एवं समाजसेवी शशी थापा सुब्बालाई सम्मान प्रदान गरियो । शीला लिम्बुले रिबन काटेर प्रिमियर शुभारम्भ गरिन् ।

suraj subba nalbo, Nikesh Limbu and milan chams