yuma rai (miss rai) sing the song
विशाल चौतारी समाचार
काठमाडौ, २०७२ साउन १२ मंगलबार । राई समुदायबाट पहिलो मिस राई बन्न सफल भएकी युमा राईले गीत रेकर्ड गराएकी छिन् । संगीता बायुङ राईको शब्द रहेको गीत युमाले आज ललितपुरको ओपेरा डिजिटल स्टुडियोमा रेकर्ड गराएकी हुन् ।
चैत मास चाँप अनि लालीगुराँस फुल्छ
सारा हाम्रो मनमुटु यसैमा नै भुल्छ,
पारी हेर्यो पोकाली त वारी सेप्ली छागा
लाग्छ अति सुन्दर हाम्रो प्यारो ओखलढुङ्गा
बोलको गीतलाई मनोज साङसोनले संगीत भरेका छन् । त्यस्तै संगीत संयोजन त्रिलोक प्रधानको रहेको छ ।
गायिका समेत बनेकी मिस राई युमाले गीत रेकर्डिङको क्रममा बोल्दै गीतको शब्द अनी संगीत राम्रो बनेकाले आफुलेपनि जतिसक्दो राम्रो गाउने प्रयास गरेको बताइन् । त्यस्तै संगीतकार मनोजले गीतको शब्द राम्रो रहेको बताउदै ओखलढुङ्गालाई अझ नजिकबाट चिन्न यो गीत उपयुक्त रहेको बताए । यो गीत गितकार संगीता बायुङ राईको एल्बममा समावेश रहनेछ ।
प्रतिक्रिया