richa sharma Campaign the day to earn less than $ 2 to make it home for nepal squatters
विशाल चौतारी समाचार
काठमाडौ, २०७२ असार १२ शनिबार । अभिनेत्री ऋचा शर्मा दिनमा २ डलर भन्दा कम कमाउने सुकुम्बासीका लागि घर बनाउने अभियानमा अझ बढी सकृय हुने भएकी छिन् । २०२० सम्म १० लाख वटा सुकुम्बासीहरुका लागी घर बनाउने योजना रहेको समेत अभिनेत्री रिचा शर्माले बताइन् । ह्याबिट्याट फर ह्युमनिटी नेपालको तर्फबाट नै यी घरहरु बनिने भएको हो ।

ह्याबिट्याट फर ह्युमनिटी नेपालको सदभावना दुत समेत रहेकी केही समय अगाडीदेखि गरीबका लागि घर बनाउँदै आएकी अभिनेत्री ऋचा शर्मा अब भूकम्प पीडितका लागि घर निर्माणमा जुट्ने भएकी हुन् । ऋचाले काभ्रे र पोखराका भूकम्प पीडितका लागि घर निर्माणको काम सुरु गर्ने भएकी छिन् । ‘काभ्रेको पीपलबोटमा निर्माणकार्य सुरु भैसकेको छ । अब पोखरामा पनि सुरु गर्छौ, अभिनेत्री शर्माले बताइन् ।

यस अभियानमा पूर्व युवराज्ञी हिमानी शाह पनि सहभागी हुने सम्भावना बढेको छ । ऋचाको भनाई अनुसार यो अभियानमा ब्याङकर, अभिनेत्री, समाजसेवी, वकिल लगायत विभिन्न क्षेत्रमा सक्रिय २१ महिला सहभागी हुने छन् । सोही क्रममा पूर्व युवराज्ञी हिमानीलाई पनि सहभागी गराउने योजना बनाएकी रहिछन् । ‘अस्ति भेटेर मैले पूर्व युवराज्ञी हिमानीसँग कुरा गरें, उहाँ एकदमै उत्साहित हुनुहुन्छ’, अभिनेत्री ऋचा भनिन् ।

केही महिना अघि चितवन र काभ्रेका गरीबका लागि घर बनाउने काममा सहभागी भएकी ऋचाले पिडितको आफ्नो घर नभएकाहरुका लागि हामी घर बनाउने योजनामा रहेकी छिन् ।