Milan Chams
विशाल चौतारी समाचार
काठमाडौं, २०७१, जेठ २९ बिहीवार । एउटा चलचित्र भित्रका पात्र तथा सिनेमासंग सम्वन्धित व्याक्तिहरु सफल हुनु भनेको एउटा निर्देशक सफल हुनु हो । पर्दा पछाडीका व्याक्तिहरुलाई खासै नआएपनि पहिलो सिनेमाबाटै सफलता पाएका निर्देशक हुन् मिलन चाम्स ।
करिव १०० भन्दा बढी म्युजिक भिडियोमा सफल निर्देशन गरिसकेका चाम्सले पहिलो चलचित्र ‘हसिया’बाट सफल्ता पाएका हुन् । केही समय अगाडी रिलिज भएको चलचित्र  ‘हसिया’पहिलो हप्ता नै करोड क्लवमा परेको थियो । चलचित्र राम्रो भएको र निर्देशक मिलन चाम्सको काम मनपरेको कुरा  कलाकार, व्यापारी, बैकर तथा दर्शकहरुले प्रतिकृया दिए । यति मात्र होइन, सफल बैंकर अनिल शाहले आफुले निर्माण गरे चलचित्रमा निर्देशक मिलन चाम्सलाई लिने बताएका थिए ।
अभिनेता अनुप विक्रम शाही यहि चलचित्र ‘हसिया’ बाटै राम्रो कलाकारको रुपमा चिनिए । यस भन्दा अगाडी गरेका दुई चलचित्र ‘सौर्य’ र ‘द्रब्य’मा अभिनेताको रोलमा भएपनि खासै चर्चामा रहेका थिएनन् । तर चलचित्र ‘हसिया’मा भिलेनको रुपमा अभिनय गरेपनि उनको अभिनयको चर्चा राम्रो रर्‍यो ।
उता नेपाली चलचित्र क्षेत्रमा डेब्यु गरेकी अभिनेत्री हेमा श्रेष्ठको कामलाई सबैले तारिफ गरे । अभिनेत्री हेमाको चलचित्रमा सबैले मनपराएको पार्ट भने एक्सन रहेको थियो । उनलाई म्युजिक भिडियोमा स्थापित गराउनेपनि निर्देशक चाम्स नै हुन् ।
निर्देशक मिलन चाम्सले चलचित्र ‘हसिया’मा प्राय सबै नयाँ टिमसंग काम गरेका थिए । चलचित्रमा सबैभन्दा मनपराइएको पार्ट भनेको सिनेमाटोग्राफर । राम के.सीको कामलाई सबैले तारिफ गरेका थिए । उता फाइट डाइरेक्टर राज कुमार उप्रतीको अहिले यहि सफल्ताकै कारण सार्वधिक चर्चामा रहेका छन् । अभिनेता राजेश हमाललेपनि उनको कामको तारिफ गरेका थिए । चलचित्रका निर्माता दुर्गा घलेपनि एउटा राम्रो फिल्म मेकरको रुपमा यहि चलचित्रबाट परिचित भए ।
ad