Dance-India-Dance-in-nepal
विशाल चौतारी समाचार
काठमाडौं, चैत २५ । भारतीय टिभी जीटिभीको चचिर्त रियालिटी शो डिआइडी (डान्स इन्डिया डान्स)का कलाकारहरुले आज काठमाडौमा नृत्यको जादु छर्ने भएका छन् । नृत्यको जादु देखाउन दुई डान्सर नेपालभाषी सौम्या राई र ओम क्षेत्री हिजै नेपाल आइपुगेका छन् ।
डान्सर सौम्या र ओमका साथै आजै आउने प्रदी गुरुङ, नरेशविर सिंह र सुनिल क्षेत्रीले आज मंगलवार दिउसो ३ बजे राजधानीस्थित सानोगौचरनमा नृत्य प्रस्तुत गर्ने भएका हुन् । 

‘लेट्स डान्स’ नाम दिएको कार्यक्रममा नेपालका चचिर्त कलाकारको पनि प्रस्तुति रहने भएको छ । संयुक्त अपांग एकता आवाज केन्द्रको सहयोगार्थ कस्तुरी भिजन प्रालिले उनीहरुलाई नेपाली मञ्चमा उतार्न लागेको हो । सौम्या राई भारतीय टीभीकै चचिर्त रियालिटी शो ‘बुगीवुगी लिटिल चाम्स’को फस्ट रनरअप बनेकी थिइन् । त्यसैगरी उनले डिआइडी लिटिल चाम्समा तेस्रो स्थानसम्म पुगेकी थिइन् ।  अर्का बाल डान्सर ओम क्षत्री ७ वर्षको उमेरमा डिआडी लिटिल चाम्सको फस्र्टरनरअप भएका थिए । उनको भर्सटायल नृत्यको बलिउडका टप सेलिब्रेटीले पनि तारिफ गरेका थिए । त्यसैगरी यसपटक नेपालमा धुम मच्चाउने तयारीमा रहेका प्रदीप गुरुङ डिआडी सिजन ३ मा धेरैले रुचाएका डान्सर हुन् । उनी उक्त शोमा ‘ट्रेन्सकी  टोली’ अन्र्तगत थिए ।

डान्स प्रशिक्षक ट्रेन्स लिविसका फेबरेट डान्सर पनि थिए । उनी डिआडी सिजन ३ मा फस्र्ट रनरअप भएका थिए । त्यसैगरी इन्डियका ठूलो रियालिटी शोमा देखिएका नेपाली हुन् सुनिल क्षेत्री । उनले पनि डिआडी सिजन ४ मा राम्रो चर्चा कमाएका थिए । त्यसैगरी डिआइडीमैँ सिजन २ मा नेपालको सुर्खेतका नरेशवीर सिंहले धमाका मच्चाएका थिए । रेम्बोको रंगिला अन्र्तगत नृत्य प्रस्तुत गरेका उनी टप टेनसम्म पुगेका थिए ।
डान्सकलाबाट सम्मोहित सबै हुने भन्दै नेपालभाषी कलाकारलाई नेपाली भूमिमा प्रत्यक्ष देखाउन कार्यक्रमको आयोजना गरिएको आयोजमध्यका एक राजेन्द्र सेढाइले बताए । उनले भने, ‘सामाजिक सेवाका साथै नेपालभाषी डान्सरलाई नेपाली स्टेजमा देखाउनका लागि कार्यक्रमको आयोजना गरिएको हो ।’ कार्यक्रममा निर्वाण एण्ड म्युजिक लिंक, बिबोइङ ग्रुप एभरेस्ट क्र्यु र हिपहप ह्यान्ड टू ह्यान्ड, गायक प्रमोद खरेल, डम्बर नेपाली, डान्सर शंकर विसी, पार्वती राई, विजय थापाका साथै चचिर्त हाँस्यकलाकारको पनि प्रस्तुति रहने बताइएको छ । टिकट मूल्य ५ सय र १ हजार रुपैयाँ तोकिएको छ ।